Exodo 13:19 - Marahay na Bareta Biblia

¹⁹ Dinara ni Moises an mga tolang ni Jose, sa pag-otob sa kahagadan kaini, kan magsabi si Jose, “Kun iligtas na kamo nin Dios, kaipuhan darahon nindo an sakong tolang paghale nindo sa lugar na ini.”

Exodo 13:19 ပူးပေါင်းရင်းမြစ်များ

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Lukas 1:58

Nabaretaan kan saiyang mga kataed asin mga kadugo an dakulang balaog na iwinaras saiya nin Kagurangnan asin nag-ogma sinda sa kaibahan niya.

Lukas 7:16

Inabotan nin makuring takot an gabos asin nag-omaw sinda sa Dios. Olay ninda, “Sarong dakulang propeta an nag-abot sato! Dinalaw nin Dios an saiyang banwaan!”

Mga Gibo 7:15

Kaya nagduman si Jacob sa Egipto; duman siya nagadan saka an satong mga ginikanan.

Mga Gibo 7:16

An saindang mga tolang dinara sa Shekem, asin ilinubong sa lulubngan na binakal ni Abraham sa mga aki ni Hamor.

Hebreyo 11:22

Huli sa pagtubod, nagtaram si Jose, kan madali na siyang magadan, na mahale sa Egipto an mga Israelita. Nagtogon siya kun ano an dapat gibohon sa saiyang mga tolang.

Josue 24:32

An mga tolang ni Jose, na dinara kan mga Israelita paghale ninda sa Egipto, ilinubong ninda sa Shekem, sa dagang binakal ni Jacob sa mga aki ni Hamor, an ama ni Shekem, sa kantidad na sanggatos na pedasong plata. An dagang ini minana kan kapagarakian ni Jose.