Exodo 13:14 - Marahay na Bareta Biblia

¹⁴ Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:14 ပူးပေါင်းရင်းမြစ်များ

Genesis 30:33

Sa maabot na aldaw madali mong maaaraman kun ako nagin onesto sa saimo; kun makahiling ka nin hayop na bakong may patak-patak saka may raya-raya o bakong itom an kolor sa mga hayop ko, ibilang mo iyan na hinabonan ko.”

1 Mga Cronica 16:12

Kamong kapagarakian ni Abraham na sorogoon nin Dios. Kamong kapagarakian ni Jacob na pinili nin Dios; giromdomon nindo an mga ginibo niyang ngangalasan, an mga milagro, asin an mga paghukom na saiyang itinao.

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

Salmo 136:11

Ilinuwas niya an Israel hale sa Egipto; an saiyang pagkamoot mayo nin kataposan;

Salmo 145:4

Oomawon kan sarong henerasyon sa masunod na henerasyon an mga gibo mo, ibabalangibog ninda an dakula mong mga gibo.

Salmo 78:4

Dai ta iyan tatagoon sa satong kaakian; kundi isasabi ta sa masunod na henerasyon an mga ngangalasan na ginibo nin Kagurangnan, siring man an saiyang kosog asin kapangyarihan.

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:8

Pagpoon kan pyesta, ipasabot nindo sa saindong mga aki na ginigibo nindo an gabos na ini huli sa ginibo nin Kagurangnan para sa saindo kan maghale kamo sa Egipto.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Jeremias 34:13

an Dios nin Israel, na magsabi sa mga tawo, “Nakipagtipan ako sa saindong mga ginikanan kan iligtas ko sinda sa Egipto asin haleon sa kaoripnan. Tinaraman ko sinda na sa

Daniel 9:15

“O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Mga Gibo 13:17

An Dios kan mga Israelita iyo an nagpili sa satong mga ginikanan. Pinadakul niya an mga Israelita kan panahon na sinda nag-erok sa Egipto. Dangan kinua sinda nin Dios sa Egipto sa paagi kan saiyang dakulang kapangyarihan.

Deuteronomio 5:15

Giromdoma nindo na mga oripon kamo duman sa Egipto, asin ako, an Kagurangnan na saindong Dios, an nagligtas saindo huli kan sakong dakulang kapangyarihan saka kosog. Kaya ipinagboboot ko saindo na giromdomon nindo an Sabbath.

Deuteronomio 5:6

‘Ako an Kagurangnan na saindong Dios na nagdara saindo sa luwas kan harong nin kaoripnan.

Deuteronomio 6:12

magmaan kamo ta tibaad malingaw kamo sa Kagurangnan na nagligtas saindo sa Egipto, saen kamo nagin mga oripon.

Josue 22:24

Ginibo mi ini huli ta nahahandal kami na sa maabot na aldaw masabi an saindong mga aki sa samong mga aki, ‘Ano an pakilabot nindo sa Kagurangnan, an Dios nin Israel?

Josue 24:17

An Kagurangnan na satong Dios iyo an nagligtas samo asin sa samuyang mga magurang sa kaoripnan duman sa Egipto. Nahiling mi an mga ngangalasan na ginibo niya. Inataman niya kami sa gabos na banwaan na samong inagihan.

Josue 4:6

An mga gapong iyan iyo an magpapagiromdom sa mga tawo kan ginibo nin Kagurangnan. Sa maabot na panahon, kun maghapot an saindong mga aki kun ano an kahulogan para saindo kan mga gapong iyan,

Hukom 2:12

Nag-ontok sinda sa pagsamba sa Kagurangnan, an Dios kan saindang mga ginikanan, an Dios na nagligtas sainda sa Egipto, asin nagpoon sindang magsamba sa ibang dios na pinagsasamba kan mga tawong nasa palibot ninda, kaya naanggot sainda an Kagurangnan.

Hukom 6:8

An Kagurangnan nagpadara sainda nin sarong propeta na nagdara kan baretang ini hale sa Kagurangnan na Dios nin Israel: “Kinua ko kamo hale sa kaoripnan sa Egipto;