Exodo 12:5 - Marahay na Bareta Biblia

⁵ An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Exodo 12:5 ပူးပေါင်းရင်းမြစ်များ

Exodo 12:4

Kun an sarong pamilya dai makakaubos nin sarong hayop, an pamilyang iyan asin an kataed na pamilya pwedeng magbanga kan hayop. An pagbanga gigibohon sosog sa bilang kan mga tawo asin sa kayang kakanon kan lambang saro.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 23:12

Sa aldaw na darahon nindo an saindong inani, madara man kamo nin sarong lalaking kordero na sangtaon an edad na mayo nin kaninan bilang tinutong na atang sa Kagurangnan.

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Deuteronomio 17:1

“Dai kamo magsakripisyo sa Kagurangnan na saindong Dios nin baka o karnero na igwa nin kaninan, huli ta ikinakaongis iyan nin Kagurangnan.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

1 Samuel 13:1

Nagpoon paghade si Saul sa edad na…asin pinaghadean niya an Israel sa laog nin duwang taon.