Exodo 12:49 - Marahay na Bareta Biblia

⁴⁹ Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Exodo 12:49 ပူးပေါင်းရင်းမြစ်များ

Exodo 12:50

Nagkuyog an gabos na Israelita asin ginibo an ipinagboot nin Kagurangnan ki Moises saka ki Aaron.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Levitico 24:22

Saro sanang togon an masakop kan gabos, Israelita man o dayuhan. Ako an Kagurangnan na saindong Dios.”

Mga Bilang 15:29

Igwa nin parehong pagsusundon para sa dai tuyong nagkasala, Israelita man o nakikihimanwa na dayuhan.

Mga Bilang 35:15

Iyan an magigin mga syudad na pailihan para sa mga Israelita, asin sa mga dayuhan na nag-eerok sa kaibahan nindo o nakikihimanwa saindo. An siisay man na dai tuyong makagadan nin kapwa, pwedeng dumulag pasiring sa arin man kan mga syudad na iyan.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Colosas 3:11

Kaya mayo nang kalaenan an Judio sa Griyego, an pagkaniserkomsisyonado sa bakong pagkaniserkomsisyonado, an dayuhan, an bakong sibilisado, an oripon, an tawong talingkas, kundi si Cristo iyo an gabos, asin nasa gabos.