Exodo 12:43 - Marahay na Bareta Biblia

⁴³ Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Exodo 12:43 ပူးပေါင်းရင်းမြစ်များ

2 Mga Cronica 30:18

Dakul man sa mga gikan sa mga tribu nin Efraim, Manases, Issakar saka Zabulon an dai naglinig kan sadiri, kaya dai sinda nakasunod kan pagboot sa Paskwa. Alagad ipinamibi sinda ni Ezekias,

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:48

Mayo nin siisay man na bakong serkomsisyonado an pwedeng kumakan kan Kordero Pangpaskwa. Kun an sarong dayuhan na nakikihimanwa saindo boot magselebrar kan Paskwa tanganing mag-omaw sa Kagurangnan, kaipuhan serkomsisyonon ngona nindo siya asin an gabos na lalaki sa saiyang harong. Dangan mimidbidon na siya siring sa sarong tunay na Israelita asin pwede na siyang makisumaro sa pagselebrar kan Paskwa.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Levitico 22:10

“An mga kaayon sana kan pamilya kan padi an pwedeng kumakan kan mga banal na dolot. Dai pwedeng kumakan kaiyan maski an dayuhan na nag-eerok sa harong kan padi o an saiyang tinandanan na sorogoon.

Levitico 22:13

Alagad kun an aking babae kan padi nabalo o sinuhayan kan saiyang agom asin dai nag-aki, dangan buminalik sa harong nin saiyang ama arog kan daraga pa siya, pwede siyang kumakan kan pagkakan kan saiyang ama. An kaayon sana kan pamilya kan padi an pwedeng kumakan kaini.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.

1 Samuel 2:27

Nagduman ki Eli an sarong propeta na may darang mensahe hale sa Kagurangnan asin nagsabi, “Kan an saimong ginikanan na si Aaron asin an saiyang pamilya mga oripon pa kan hade nin Egipto, nagpamidbid ako ki Aaron.