Exodo 12:42 - Marahay na Bareta Biblia

⁴² An bangging idto iyo an banggi nin pagbantay kan Kagurangnan tanganing iluwas sinda sa Egipto; kaya an bangging idto sarong banggi nin pagbantay na itinalaan para sa Kagurangnan kan banwaan nin Israel sagkod pa man.

Exodo 12:42 ပူးပေါင်းရင်းမြစ်များ

Salmo 136:11

Ilinuwas niya an Israel hale sa Egipto; an saiyang pagkamoot mayo nin kataposan;

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 13:10

Taon-taon gigibohon nindo an pyestang ini sa talaan na aldaw.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.