Exodo 12:41 - Marahay na Bareta Biblia

⁴¹ Naghale sinda sa Egipto sa huring aldaw kan ikakwatro syentos treyntang taon.

Exodo 12:41 ပူးပေါင်းရင်းမြစ်များ

Genesis 50:24

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

1 Mga Hade 6:1

Pinoonan ni Solomon an pagtugdok kan Templo kan ika kwatro syentos otsentang taon pakahale sa Egipto kan banwaan nin Israel, kan ikaapat na taon nin saiyang paghade, kan ikaduwang bulan, an bulan nin Ziv.

2 Mga Cronica 14:12

Dinaog nin Kagurangnan an mga taga Etiopia sa atubang ni Asa asin kan mga taga Juda. Nagdurulag an mga taga Etiopia.

Salmo 102:13

Mabangon ka asin maheherak sa Sion, huli ta panahon ini nin pagkaherak saiya; an talaan na panahon uminabot na.

Salmo 114:1

Kan an Israel magluwas hale sa Egipto, kan an kapagarakian ni Jacob maghale sa dagang dayuhan,

Salmo 136:11

Ilinuwas niya an Israel hale sa Egipto; an saiyang pagkamoot mayo nin kataposan;

Exodo 12:17

Giromdoma nindo ining pyesta kan tinapay na mayo nin lebadura huli ta sa aldaw na ini ilinuwas ko kamo sa Egipto. Giboha nindo an pyestang ini sa gabos na panahon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:16

Ini arog sa sarong bagay na nakagakod sa samong kamot o sa samong angog; magpapagiromdom ini samo na ilinuwas kami nin Kagurangnan sa Egipto huli kan saiyang dakulang kapangyarihan.’”

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 3:10

Ngunyan susugoon taka sa hade tanganing ikaluwas mo sa Egipto an mga Israelita na sakong banwaan.”

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 6:26

Si Aaron asin si Moises iyo an mga tawong tinaraman nin Kagurangnan na, “Pangenotan nindo an mga Israelita sa pagluwas sa Egipto.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 7:4

Dangan uunaton ko an sakong kamot tanganing padusahan nin makuri an bilog na Egipto asin hahaleon ko duman an mga Israelita na sakong banwaan.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Levitico 23:43

tanganing maaraman kan saindong mga kapagarakian na pinaerok ko sa mga harong-harong an banwaan nin Israel kan iluwas ko sinda sa Egipto. Ako an Kagurangnan na saindong Dios.”

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Mga Bilang 23:22

An Dios an nagkua sainda sa Egipto; Nakikilaban siya para sainda siring sa sarong lalaw na toro.

Mga Bilang 33:1

An minasunod na kasaysayan nagtatao kan ngaran kan mga lugar na pinagkampohan kan mga Israelita pakahale ninda sa Egipto sosog sa saindang mga tribu sa pangengenot ni Moises saka ni Aaron.

Juan 7:8

Kamo na sana an magduman sa pyesta. Dai ako maduman, huli ta bako pa ini an oras ko.”

Mga Gibo 1:7

Nagsimbag si Jesus, “An mga aldaw asin an mga panahon itinalaan kan sakong Ama huli kan saiyang kapangyarihan; dai nasa saindo an pakaisi kaiyan.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Deuteronomio 16:1

“Galangan nindo an Kagurangnan na saindong Dios sa pagselebrar kan Paskwa sa bulan nin Abib, huli ta sa bulan na iyan ilinigtas niya kamo sa Egipto.

Deuteronomio 4:37

Pinili niya kamo huli ta namotan niya an saindong mga ginikanan; huli kan saiyang dakulang kapangyarihan, ilinuwas niya kamo hale sa Egipto.

Josue 24:5

Dangan sinugo ko si Moises saka si Aaron asin pinadarahan ko nin dakul na kasakitan an Egipto; alagad hinale ko kamo duman.

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”