Exodo 12:37 - Marahay na Bareta Biblia

³⁷ Naglakaw an mga Israelita hale sa Rameses pasiring sa Sukkot. Maabot sa seis syentos mil an kalalakihan, dai pa kabilang an mga babae saka mga aki.

Exodo 12:37 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 46:3

Nagtaram an Dios saiya, “Ako an Dios, an Dios kan saimong ama. Dai ka matakot na magduman sa Egipto; gigibohon takang sarong dakulang nasyon duman.

Genesis 47:11

Dangan pinaerok ni Jose sa Egipto an saiyang ama saka an saiyang mga tugang; tinawan niya sinda kan pinakamarahay na daga na harani sa syudad nin Rameses, siring sa ipinagboot kan hade.

Exodo 1:11

Kaya nagbugtak sinda nin mga makuring parapamahala tanganing pasakitan an mga Israelita sa paagi nin mga magabat na trabaho. Ipinatugdok sa sainda kan hade an Pitom asin Rameses, mga syudad na sarayan kan mga pagkakan asin kagamitan.

Exodo 10:9

Nagsimbag si Moises, “Gabos kami mahale—magpoon sa gurang sagkod sa aki, lalaki man o babae. Kaipuhan na darahon mi man an samong mga karnero, mga kanding saka mga baka, huli ta mapyesta kami para sa Kagurangnan.”

Exodo 13:20

Naghale sa Sukkot an mga Israelita asin nagkampo sa Etam na nasa tampi kan kalangtadan.

Exodo 38:26

An kantidad na ini iyo an total na ibinayad kan gabos na tawong nabilang sa senso, na uminabot sa seis syentos tres mil, kinyentos singkwenta katawo magpoon sa beynteng taon an edad paitaas. An lambang saro nagbayad nin kabangang siklo, sosog sa kinaugalean na timbang kan Tabernakulo.

Mga Bilang 1:2

“Sensohon nindo ni Aaron an bilog na komunidad nin Israel sosog sa saindang mga kamaganakan asin mga pamilya. Ilista nindo an ngaran kan lambang lalaki

Mga Bilang 11:21

Nagsimbag si Moises, “An bilang kan mga tawong kairiba ko minaabot sa seis syentos mil, asin nagtaram ka na tatawan mo sinda nin karne na makakakan ninda sa laog nin sambulan!

Mga Bilang 2:32

An kabilogan na bilang kan banwaan nin Israel minaabot sa seis syentos tres mil kinyentos singkwenta. Nakalista sinda sa mga dibisyon sosog sa saindang grupo.

Mga Bilang 26:51

An kabilogan na bilang kan mga Israelitang lalaki uminabot sa seis syentos uno mil, syete syentos treynta.

Mga Bilang 33:3

Naghale sa Egipto an mga Israelita kan ikakinseng aldaw kan enot na bulan kan taon, sarong aldaw pakalihis kan enot na Paskwa. Maogmang binayaan kan mga Israelita an syudad nin Rameses mantang naghihiling an mga Egipcio,

Mga Bilang 33:5

Naghale sa Rameses an mga Israelita asin nagkampo sa Sukkot.