Exodo 12:31 - Marahay na Bareta Biblia

³¹ Kan mismong bangging idto, ipinaapod kan hade si Moises saka si Aaron asin sinabihan, “Magharale na kamo digdi sa sakong banwaan, kamo asin an kapwa nindo Israelita! Lakaw asin sambaha nindo an Kagurangnan siring sa saindong hinahagad.

Exodo 12:31 ပူးပေါင်းရင်းမြစ်များ

Salmo 105:38

Nag-orogma an mga Egipcio kan sinda naghale huli ta inabotan sinda gabos nin takot.

Exodo 10:29

“Kukuyogon ko an sinabi mo!” an simbag ni Moises. “Dai na nanggad ako mapahiling saimo!”

Exodo 10:9

Nagsimbag si Moises, “Gabos kami mahale—magpoon sa gurang sagkod sa aki, lalaki man o babae. Kaipuhan na darahon mi man an samong mga karnero, mga kanding saka mga baka, huli ta mapyesta kami para sa Kagurangnan.”

Exodo 11:1

Dangan nagtaram an Kagurangnan ki Moises, “Saro na sanang padusa an ipapadara ko sa hade asin sa bilog na Egipto. Pakatapos kaiyan, bako sana niya kamong tutugotan na humale kundi isusubol pa niya kamo.

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Exodo 12:39

Nagluto sinda nin tinapay na mayo nin lebadura hale sa dara nindang minasa, huli ta kan isubol sinda paluwas sa Egipto, dai na sinda nagkaigwa nin oras na mag-andam nin pagkakan o magmasa nin arina na igwa nin lebadura.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 8:25

Ipinaapod kan hade si Moises saka si Aaron dangan sinabihan, “Lakaw asin mag-atang kamo sa saindong Dios digdi sa banwaan na ini.”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

1 Samuel 6:6

Tadaw ta pinapatagas nindo an saindong payo arog kan hade nin Egipto asin kan mga Egipcio? Bakong aram nindo kun paano ginibo nin Dios na garo mga lolong an hade nin Egipto asin an mga Egipcio sagkod na nagtugot sindang makahale an mga Israelita?