Exodo 12:27 - Marahay na Bareta Biblia

²⁷ Masimbag kamo, ‘Iyo ini an paggiromdom kan Paskwa nin Kagurangnan, huli ta ilinigtas niya kami kan lihisan niya an harong kan mga Israelita duman sa Egipto, alagad ginadan niya an mga Egipcio.’” Dangan nagruluhod an mga Israelita asin nagsaramba.

Exodo 12:27 ပူးပေါင်းရင်းမြစ်များ

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

2 Mga Cronica 20:18

Dangan nagdapa si Jehosafat asin an gabos na taga Juda saka mga taga Jerusalem sa pagsamba sa Kagurangnan.

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

Nehemias 8:6

Inomaw ni Esdras an Kagurangnan, an dakulang Dios, asin initaas kan gabos an saindang mga kamot saka nagsirimbag, “Amen! Amen!” Nagdarapa sinda asin nagsaramba sa Kagurangnan.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Salmo 78:5

Tinawan niya nin mga togon an banwaan nin Israel; nin mga pagboot an kapagarakian ni Jacob. Pinagbotan niya an satong mga ginikanan na itukdo an saiyang mga togon sa saindang kaakian,

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:23

Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Exodo 12:28

Pakatapos, nagpuli sinda asin ginibo an ipinagboot nin Kagurangnan ki Moises saka ki Aaron.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:8

Pagpoon kan pyesta, ipasabot nindo sa saindong mga aki na ginigibo nindo an gabos na ini huli sa ginibo nin Kagurangnan para sa saindo kan maghale kamo sa Egipto.

Exodo 34:25

“An hayop na iaatang nindo sako dai nindo pag-ibahan nin tinapay na igwa nin lebadura. An hayop na binuno nindo sa Pyesta nin Paskwa, dai nindo pagpaagahan.

Exodo 34:8

Nagduko tolos si Moises asin nagsamba.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

1 Corinto 5:7

Haleon nindo an lebadura nin pagkakasala tanganing magin malinig kamo. Dangan magigin kamong bagong minasa na mayo nin lebadura, na aram kong arog kamo kaiyan. Huli ta inatang na si Cristo, an satong kordero paskwal.

Deuteronomio 16:2

Magduman kamo sa lugar na pagsasambahan asin bunoon nindo duman an saro kan saindong mga karnero o baka para sa Paskwa, sa kaomawan nin Kagurangnan na saindong Dios.

Deuteronomio 16:5

“Dai nindo pwedeng idolot an atang sa paskwa maski saen sa mga banwa na itatao saindo nin Kagurangnan na saindong Dios.