Exodo 12:23 - Marahay na Bareta Biblia

²³ Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Exodo 12:23 ပူးပေါင်းရင်းမြစ်များ

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

An Libro ni Job 14:13

“Marahay pang tagoon mo ako sa kinaban kan mga gadan; nakatago sagkod na mawara an saimong kaanggotan, dangan giromdomon mo sa talaan na panahon.

Exodo 11:4

Sinabihan ni Moises an hade, “Ini an itinaram nin Kagurangnan, ‘Diyan na matangang banggi malibot ako sa Egipto,

Exodo 12:7

Makua sinda kan dugo dangan ilalahid ninda iyan sa mga hamba asin sa itaas kan mga pinto kan mga harong na kakakanan ninda kan mga hayop.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

Hebreyo 11:28

Huli sa pagtubod, sinelebrar niya an enot na Paskwa, saka ipinagboot niyang iwirik an dugo sa mga pintoan, tanganing dai gadanon kan Paragadan an matuang mga aking lalaki kan mga Israelita.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

Kapahayagan 7:3

Nagsabi an anghel, “Dai nindo pagraoton an daga, an dagat, o an mga kahoy, sagkod na dai ta pa namamarkahan an angog kan mga sorogoon kan satong Dios.”

Kapahayagan 9:4

Pinagbotan sindang dai manraot kan mga doot o kan mga kahoy o kan iba pang tinanom. An raraoton sana ninda iyo an mga tawong mayong marka kan selyo nin Dios sa saindang mga angog.