Exodo 12:22 - Marahay na Bareta Biblia

²² Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Exodo 12:22 ပူးပေါင်းရင်းမြစ်များ

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 12:7

Makua sinda kan dugo dangan ilalahid ninda iyan sa mga hamba asin sa itaas kan mga pinto kan mga harong na kakakanan ninda kan mga hayop.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mateo 26:30

Pakatapos nindang mag-awit nin himno, nagduman sinda sa Bukid nin mga Oliba.

Hebreyo 11:28

Huli sa pagtubod, sinelebrar niya an enot na Paskwa, saka ipinagboot niyang iwirik an dugo sa mga pintoan, tanganing dai gadanon kan Paragadan an matuang mga aking lalaki kan mga Israelita.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

Hebreyo 9:1

An enot na tipan igwang mga pagsusundon sa pagsamba, asin igwa nin sarong santwaryo na gibo nin tawo.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.

Josue 2:19

Kun may magluwas sa saimong harong, dai kami mababasol kun siya magadan; sala niya iyan. Alagad kun may makulogan sa mga kairiba mo sa laog kan harong, kami an maninimbag kaiyan.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.