Exodo 12:19 - Marahay na Bareta Biblia

^19-20 Sa laog nin pitong aldaw, kaipuhan na daing makuang lebadura sa saindong mga harong huli ta an siisay man, Israelita o dayuhan, na kumakan nin tinapay na igwa nin lebadura, dai ko na ibibilang na kaayon sa sakong banwaan.”

Exodo 12:19 ပူးပေါင်းရင်းမြစ်များ

Exodo 12:15

Nagtaram an Kagurangnan, “Pitong aldaw kamong magkakan nin tinapay na mayo nin lebadura. Sa enot na aldaw, hahaleon nindo an gabos na lebadura sa saindong mga harong huli ta an siisay man na magkakan nin tinapay na igwa nin lebadura sa laog kan pitong aldaw na iyan, dai ko na ibibilang na kaayon sa sakong banwaan.

Exodo 12:43

Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Exodo 12:48

Mayo nin siisay man na bakong serkomsisyonado an pwedeng kumakan kan Kordero Pangpaskwa. Kun an sarong dayuhan na nakikihimanwa saindo boot magselebrar kan Paskwa tanganing mag-omaw sa Kagurangnan, kaipuhan serkomsisyonon ngona nindo siya asin an gabos na lalaki sa saiyang harong. Dangan mimidbidon na siya siring sa sarong tunay na Israelita asin pwede na siyang makisumaro sa pagselebrar kan Paskwa.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:7

Sa laog nin pitong aldaw dai kamo magkakan nin tinapay na igwa nin lebadura; kaipuhan mayo nin makuang lebadura o tinapay na igwa nin lebadura maski saen sa saindong daga.

Exodo 23:15

Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Exodo 30:33

An siisay man na maggibo nin lanang arog kaini o maglahid kaini sa bako man padi, dai na ibibilang na kaayon sa sakong banwaan.’”

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Levitico 23:5

“An Paskwa, na ginigibo sa pag-omaw sa Kagurangnan, minapoon sa banggi kan ikakatorseng aldaw kan enot na bulan.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

Deuteronomio 16:3

Sa pagkakan nindo kaiyan, dai kamo mag-andam nin tinapay na igwa nin lebadura. Sa laog nin pitong aldaw, magkakan kamo nin tinapay na mayo nin lebadura, siring kan ginibo nindo kan hidali kamong maghale sa Egipto. Kakanon nindo an tinapay na iyan, na aapodon tinapay nin kasakitan, tanganing sa bilog nindong pagkabuhay magiromdoman nindo an aldaw kan paghale nindo duman sa Egipto.