Exodo 12:16 - Marahay na Bareta Biblia

¹⁶ Sa enot asin sa ikapitong aldaw magtiripon kamo sa pagsamba. Dai kamo magtrabaho sa mga aldaw na iyan alagad pwede nindong andamon an saindong mga pagkakan.

Exodo 12:16 ပူးပေါင်းရင်းမြစ်များ

Exodo 16:23

Sinabihan sinda ni Moises, “Ipinagboot nin Kagurangnan na lutoon na nindo ngunyan an gusto nindong lutoon. An pagkakan na matada isaray nindo para sa masunod na aldaw, huli ta an bilog na aldaw sa aga, aldaw nin pahingalo, sarong banal na Sabbath para sa Kagurangnan.”

Exodo 16:29

Giromdoma nindo na tinawan ko kamo nin aldaw nin pahingalo, kaya sa ikaanom na aldaw tinatawan ko kamo nin pagkakan para sa duwang aldaw. An lambang saro dai maghale sa saiyang lugar asin mayong magluwas sa harong sa ikapitong aldaw.”

Exodo 16:5

Sa ikaanom na aldaw doble kan dati nindang kinukua sa aroaldaw an saindang titiponon asin aandamon.”

Exodo 20:10

alagad an ikapitong aldaw, sarong aldaw nin pahingalo na talaan para sako. Sa aldaw na iyan, mayo nin siisay man saindo na magtrabaho—kamo, an saindong mga aki, an saindong mga oripon, an saindong mga hayop o an mga dayuhan na nag-eerok sa saindong banwa.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Isaias 1:13

Dai na kamo magdara nin mga dolot; nakakauyam para sako an insenso. An saimong mga pyesta: an bagong Bulan, an Sabbath, asin an banal mong mga pagtiripon— gabos iyan nadigtaan kan saimong mga kasalan.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 23:35

Sa enot na aldaw, magkaigwa kamo nin banal na pagtiripon; dai kamo magtrabaho.

Mga Bilang 28:18

Sa enot na aldaw kan pyesta magtiripon kamo sa pagsamba asin dai kamo magtrabaho.

Mga Bilang 28:25

Sa ikapitong aldaw, magtiripon kamo sa pagsamba asin dai kamo magtrabaho.

Mga Bilang 28:26

Sa enot na aldaw kan Pyesta nin Pag-ani, pagdara nindo sa Kagurangnan kan dolot na bagong trigo, magtiripon kamo sa pagsamba asin dai kamo magtrabaho.

Mga Bilang 29:1

Sa enot na aldaw kan ikapitong bulan magtiripon kamo sa pagsamba asin dai kamo magtrabaho. Papatanogon an mga trompeta sa aldaw na iyan.

Mga Bilang 29:12

Sa ikakinseng aldaw kan ikapitong bulan magtiripon kamo sa pagsamba. Selebraron nindo an pyestang iyan para sa Kagurangnan sa laog nin pitong aldaw asin dai kamo magtrabaho.

Juan 19:31

An aldaw na idto bisperas nin Paskwa kaya habo an mga Judio na mawalat sa krus an mga bangkay sa aldaw na Sabbath huli ta banal na aldaw ini. Kaya hinagad ninda ki Pilato na ipabari niya an mga tabay kan mga ipinako sa krus dangan haraleon duman an mga bangkay.

Deuteronomio 16:8

Sa masunod na anom na aldaw, magkakan kamo nin tinapay na mayo nin lebadura. Sa ikapitong aldaw, magtiripon kamo sa pagsamba sa Kagurangnan na saindong Dios. Sa aldaw na iyan dai kamo magtrabaho.