Exodo 12:11 - Marahay na Bareta Biblia

¹¹ Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:11 ပူးပေါင်းရင်းမြစ်များ

2 Mga Hade 23:21

Pinagbotan ni Hadeng Josias an mga tawo na selebraron an Paskwa sa pag-omaw sa Kagurangnan na saindang Dios, sosog sa nasusurat sa libro nin tipan.

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Exodo 12:21

Inapod ni Moises an gabos na lider nin Israel dangan sinabihan, “An lambang saro saindo magpili nin sarong kordero o sarong kanding dangan bunoon iyan tanganing an saindong pamilya makapagselebrar kan Paskwa.

Exodo 12:27

Masimbag kamo, ‘Iyo ini an paggiromdom kan Paskwa nin Kagurangnan, huli ta ilinigtas niya kami kan lihisan niya an harong kan mga Israelita duman sa Egipto, alagad ginadan niya an mga Egipcio.’” Dangan nagruluhod an mga Israelita asin nagsaramba.

Exodo 12:43

Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Ezekiel 45:21

“Sa ikakatorseng aldaw kan enot na bulan, poonan nindo an pagselebrar kan Pyesta nin Paskwa. Sa laog nin pitong aldaw, an lambang saro makakan nin tinapay na mayo nin lebadura.

Levitico 23:5

“An Paskwa, na ginigibo sa pag-omaw sa Kagurangnan, minapoon sa banggi kan ikakatorseng aldaw kan enot na bulan.

Mga Bilang 28:16

Selebraron nindo an Paskwa nin Kagurangnan sa ikakatorseng aldaw kan enot na bulan.

Mga Bilang 9:1

Kan enot na bulan kan ikaduwang taon pakahale kan mga Israelita sa Egipto, nagtaram an Kagurangnan ki Moises sa Desyerto nin Sinai,

Lukas 12:35

“Magin andam kamo, asin palaada an saindong mga ilawan.

Lukas 15:22

Alagad inapod kan ama an saiyang mga sorogoon, ‘Dali kamo; daraha nindo digdi an pinakamarahay na gubing asin sulotan nindo saiya; singsingan nindo siya saka sapatosan.

Lukas 2:41

Taon-taon, minaduman sa Jerusalem an mga magurang ni Jesus para sa Pyesta nin Paskwa.

Lukas 7:38

Nagtindog siya sa likodan ni Jesus, sa may pamitisan. Nagtatangis siya asin an saiyang mga luha nagtatagdo sa mga bitis ni Jesus; pinahidan niya an mga ini kan saiyang buhok, hinadokan dangan inulaan nin pahamot.

1 Corinto 5:7

Haleon nindo an lebadura nin pagkakasala tanganing magin malinig kamo. Dangan magigin kamong bagong minasa na mayo nin lebadura, na aram kong arog kamo kaiyan. Huli ta inatang na si Cristo, an satong kordero paskwal.

Efeso 6:15

Isapatos nindo an pagigin andam para sa paghulit kan Marahay na Bareta nin katoninongan.

Deuteronomio 16:1

“Galangan nindo an Kagurangnan na saindong Dios sa pagselebrar kan Paskwa sa bulan nin Abib, huli ta sa bulan na iyan ilinigtas niya kamo sa Egipto.

Josue 5:10

Mantang nasa Gilgal an mga Israelita duman sa kapatagan na harani sa Jerico, nagselebrar sinda kan Paskwa sa banggi kan ikakatorseng aldaw kan bulan.

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.