Exodo 10:26 - Marahay na Bareta Biblia

²⁶ Dai pwede iyan! Dadarahon mi an samong mga hayop; mayong mawawalat maski saro. Kami sana an kaipuhan magpili kan mga hayop na iaatang sa Kagurangnan na samong Dios. Sagkod na dai kami nakaabot duman, dai mi maaaraman kun arin na mga hayop an iaatang saiya.”

Exodo 10:26 ပူးပေါင်းရင်းမြစ်များ

Exodo 10:25

Nagsimbag si Moises, “Dangan ika na an matao samo nin mga hayop na iaatang sa Kagurangnan na samong Dios.

Exodo 10:9

Nagsimbag si Moises, “Gabos kami mahale—magpoon sa gurang sagkod sa aki, lalaki man o babae. Kaipuhan na darahon mi man an samong mga karnero, mga kanding saka mga baka, huli ta mapyesta kami para sa Kagurangnan.”

Exodo 12:32

Daraha nindo an saindong mga karnero, mga kanding, sagkod mga baka dangan humale na kamo. Ipamibi man nindo na mabendisyonan ako.”

Exodo 8:27

Kaipuhan na maglakaw kami nin tolong aldaw pasiring sa kalangtadan tanganing mag-atang sa Kagurangnan na samong Dios, siring sa ipinagboot niya samo.”

Mga Talinhaga 3:9

Tawe nin kaomawan an Kagurangnan sa paagi nin pagdolot saiya kan pinakamarahay na bunga kan saimong daga.

Isaias 23:18

An kwartang makukua niya sa negosyo idudusay niya sa Kagurangnan. Dai niya iyan sasarayon o titiponon, alagad gagamiton iyan kan mga nagsasamba sa Kagurangnan sa pagbakal nin kakanon saka gubing na saindang kaipuhan.

Oseas 5:6

Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Zacarias 14:20

Sa panahon na iyan, maski an mga kampanilya na nakagakod sa mga kabayo magkakaigwa kan mga tataramon na “Idinusay sa Kagurangnan.” An mga kagamitan sa pagluto sa Templo magigin sagrado man siring kan mga mangko sa atubangan kan altar.

2 Corinto 8:5

An ginibo ninda labi pa sa pinaglalaom nyamo. Enot, idinolot ninda an saindang buhay sa Kagurangnan; dangan, huli sa kabotan nin Dios, idinolot man ninda samo an saindang buhay.

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.