Exodo 1:7 - Marahay na Bareta Biblia

⁷ Alagad an saindang kapagarakian, an mga Israelita, nagkaigwa nin dakul na mga aki kaya kuminosog sinda asin napano ninda an Egipto.

Exodo 1:7 ပူးပေါင်းရင်းမြစ်များ

Genesis 1:20

Dangan nagboot an Dios, “Magkaigwa nin manlaen-laen na may buhay an katubigan asin nin manlaen-laen na gamgam an kaitaasan.”

Genesis 1:28

Benendisyonan niya sinda dangan tinaraman, “Magmabinunga asin magdakul kamo; panoon nindo an bilog na kinaban asin pamahalaan iyan. Magkaigwa kamo nin kapangyarihan sa mga sira, sa mga gamgam asin sa gabos na hayop.

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 26:22

Naghale duman si Isaac asin nagkalot giraray nin bubon. Ini dai na pinag-iriwalan kaya inapod niyang Rehobot, huli ta olay niya, “Tinawan kita nin Kagurangnan nin lugar sa dagang ini asin magigin mauswag kita digdi.”

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Genesis 46:3

Nagtaram an Dios saiya, “Ako an Dios, an Dios kan saimong ama. Dai ka matakot na magduman sa Egipto; gigibohon takang sarong dakulang nasyon duman.

Genesis 47:27

Nag-erok an mga Israelita sa Egipto, sa rehiyon nin Goshen; nagyaman asin nagdakul sinda duman.

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

Genesis 48:4

Sinabihan niya akong, ‘Tatawan taka nin dakul na aki tanganing magin dakul na nasyon an saimong mga kapagarakian; itatao ko sa sainda an dagang ini bilang sadiri ninda sagkod pa man.’”

Genesis 9:1

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

Salmo 105:24

Pinadakul nin Kagurangnan an saiyang banwaan, asin orog na pinakosog ki sa saindang mga kaiwal.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Exodo 1:12

Alagad kun kasuarin pinasakitan an mga Israelita, lalo logod sindang nagdakul asin orog na nakalakop sa daga nin Egipto. Natakot an mga Egipcio sa mga Israelita

Exodo 12:37

Naglakaw an mga Israelita hale sa Rameses pasiring sa Sukkot. Maabot sa seis syentos mil an kalalakihan, dai pa kabilang an mga babae saka mga aki.

Exodo 5:5

Mas dakul pa kamong mga Israelita ki sa mga Egipcio, asin ngunyan boot nindong mag-ontok sa pagtrabaho!”

Ezekiel 16:7

Pinadakula taka siring sa matubang na tinanom. Nagdakula ka, kuminosog asin nagin arog sa sarong daraga. Bilog na bilog an saimong mga suso asin naghalaba an saimong buhok, alagad huba ka.

Mga Gibo 13:17

An Dios kan mga Israelita iyo an nagpili sa satong mga ginikanan. Pinadakul niya an mga Israelita kan panahon na sinda nag-erok sa Egipto. Dangan kinua sinda nin Dios sa Egipto sa paagi kan saiyang dakulang kapangyarihan.

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Deuteronomio 26:5

Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.