Esther 8:3 - Marahay na Bareta Biblia

³ Nakiolay giraray si Esther sa hade; naghihibi siyang nagdapa sa pamitisan kaini. Nakimaherak siya sa hade na ontokon an maraot na planong ginibo kan Agageong si Haman laban sa mga Judio.

Esther 8:3 ပူးပေါင်းရင်းမြစ်များ

2 Mga Hade 4:27

alagad pag-abot ki Eliseo, kinapotan niya an mga bitis ni Eliseo. Itutuklang kutana ni Gehazi an Sunamita, alagad nagsabi si Eliseo, “Pabayae siya; huli ta makuri an saiyang kamondoan; tinago ini sako kan Kagurangnan asin dai ako sinabihan.”

Esther 3:1

Pakatapos kan mga pangyayaring ini, ilinangkaw ni Hadeng Jerjes sa katongdan si Haman na aking lalaki ni Hammedata, na sarong Agageo. Ginibo niya ining pangenot na ministro.

Esther 7:4

Ako asin an sakong mga kahimanwa ipinabakal tanganing gadanon. Kun kami ipinabakal sana nganing magin oripon, dai na ako naggirong, huli ta an samong kasakitan dai pwedeng ipantay sa kapurisawan kan hade; alagad madali na kaming gadanon—puhoon!”

Esther 8:2

Hinale kan hade sa saiyang muro an singsing na igwa kan saiyang selyo (na binawi niya ki Haman) asin itinao idto ki Mardokeo. Ibinugtak ni Esther si Mardokeo na parapamahala kan pagsadiri ni Haman.

Esther 8:4

Iginawgaw kan hade an saiyang bulawan na setro ki Esther, kaya nagtindog ini saka nagsabi,

Isaias 38:2

Nag-atubang si Ezekias sa lanob dangan namibi:

Oseas 12:4

nakilaban siya sa sarong anghel asin nanggana siya. Naghibi siya dangan nakimaherak na bendisyonan. Sa Betel, dinolok nin Dios an satong ginikanan na si Jacob asin nakiolay saiya.

Hebreyo 5:7

Kan nabubuhay pa si Jesus digdi sa kinaban, namibi siya sa makosog na tingog, nagtatangis asin nag-aagrangay sa Dios, na iyo an makakaligtas saiya sa kagadanan. Dinangog siya nin Dios huli ta siya mapakumbaba asin maimbod.

1 Samuel 25:24

sa pamitisan ni David. Nagsabi siya ki David, “Mapasako an kasalan, kagurangnan, alagad dangoga man ako.