Esther 7:9 - Marahay na Bareta Biblia

⁹ Saro sainda na an ngaran Harbona an nagsabi, “Bako sana iyan an ginibo ni Haman. Nagpatindog pa siya nin bitayan harani sa saiyang harong na beynte y dos metros an langkaw. Ipinagibo niya idto para ki Mardokeo, na nagligtas kan saimong buhay, Mahal na Hade!” Nagboot an hade, “Bitayon nindo duman si Haman!”

Esther 7:9 ပူးပေါင်းရင်းမြစ်များ

2 Mga Hade 9:32

Nagtingkalag si Jehu asin nagkurahaw, “Siisay saindo an kakampi ko?” Nagdungaw an duwa o tolong opisyal sa palasyo,

Esther 1:10

Kan ikapitong aldaw kan bangkete, burat na asin maogma an hade, kaya ipinaapod niya si Mehuman, Bizta, Harbona, Bigta, Abagta, Zetar, asin si Carkas, an pitong eunuko na personal na sorogoon kan hade.

Esther 5:14

Kaya sinabihan siya kan agom niya asin kan saiyang mga katood, “Magpagibo ka nin bitayan na beynte y dos metros an langkaw, asin sa aga hagadon mo sa hade na bitayon duman si Mardokeo. Dangan maogma kang maduman sa bangkete kaiba an hade.” Naoyonan ini ni Haman, kaya nagpagibo siya nin bitayan.

Esther 6:14

Nag-oorolay pa sinda kan nag-abot an mga eunuko kan hade asin hidaling ipinag-iba si Haman sa bangkete ni Esther.

Esther 6:2

Nabasa ninda an kabtang saen nasusurat an manongod kan pakaaram ni Mardokeo kan plano ni Bigtana saka ni Teres, an duwang eunuko kan hade na nagbantay kan mga kwarto kan hade, na gadanon si Hadeng Jerjes.

Esther 8:7

Dangan nagsabi si Hadeng Jerjes ki Reyna Esther saka ki Mardokeo, na Judio, “Itinao ko na ki Esther an pagsadiri ni Haman asin ipinabitay ko na si Haman huli kan saiyang plano laban sa mga Judio.

Esther 9:14

Kaya nagboot an hade na gibohon an siring; sarong dekreto an pinaluwas sa Susa, asin binitay an bangkay kan sampolong aking lalaki ni Haman.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

Salmo 141:10

An mga tampalasan mahulog logod sa litag na saindang inandam, mantang ako padagos sa sakong paglakaw.

Salmo 35:8

Bigla logod na dumatong sainda an karatan, madakop sa siod na saindang tinahoban, mahulog sa kalot na saindang inandam.

Salmo 73:19

Tolos sinda nagkagaradan; mangirhat an saindang nagin kataposan.

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Daniel 6:7

Kami gabos na nagpapadalagan kan saimong imperyo—mga parapamahala, mga gobernador, mga bise-gobernador, asin iba pang mga opisyal—nagkasararo na an Mahal na Hade magpaluwas nin pagboot dangan ipaotob iyan. Magboot ka na sa laog nin treyntang aldaw dai itinutugot sa kiisay man na maghagad nin anoman sa arin man na dios o tawo kundi sa saimo sana. An siisay man na maglapas kan pagboot na ini ihuhulog sa kalot na pano nin mga leon.

1 Samuel 17:51

Nagdalagan si David pasiring ki Goliat, nagtindog sa likod kaini, hinugot sa sarongan an espada dangan pinugotan nin payo na iyo an ikinagadan kan Filisteo. Kan mahiling kan mga Filisteo na gadan na an saindang numero unong paralaban, nagdurulag sinda.