Esther 7:3 - Marahay na Bareta Biblia

³ Nagsimbag si Reyna Esther, “Kun mawilihan kan Mahal na Hade na itao an sakong kahagadan, an sakong mawot iyo na ako mabuhay siring man an sakong mga kahimanwa.

Esther 7:3 ပူးပေါင်းရင်းမြစ်များ

1 Mga Hade 20:31

Nagduman saiya an mga opisyal niya asin nagsabi, “Naaraman mi na maheherakon an mga hade sa Israel. Tugote kaming magduman sa hade nin Israel na nahahagkosan nin sako an samong mga habayan asin nagagakodan nin lubid an samong mga liog. Tibaad dai ka niya ipagadan.”

2 Mga Hade 1:13

Nagsugo giraray an hade nin sarong opisyal na may kaibahan na singkwentang soldados. Nagtukad sa bulod an opisyal, nagluhod sa atubang ni Elias, dangan nakimaherak, “Sorogoon nin Dios, nakikimaherak ako saimo, pahalagahan mo logod an sakong buhay asin an buhay kan sakong mga soldados.

Esther 4:8

Tinawan siya ni Mardokeo nin sarong kopya kan dekreto na pinaluwas sa Susa para sa paggadan kan mga Judio, tanganing ipahiling ki Esther. Pinakiolayan siya ni Mardokeo na ipaliwanag ki Esther an manongod sa dekreto, asin makiolay ini sa hade saka makimaherak para sa saiyang banwaan.

Esther 5:8

kun nawilihan ako kan hade asin kun pagmarahayon niya na itao an sakong kahagadan saka otobon ini, boot kong alokon ka asin si Haman sa saro pang bangkete na aandamon ko sa aga para saindo. Sa aga, sisimbagon ko an hapot kan hade.”

Esther 7:7

Anggot nin marahay na nagtindog an hade, nagluwas sa kwarto, dangan nagduman sa tatamnan kan palasyo. Nahiling ni Haman na desidido an hade na padusahan siya, kaya nagpawalat siya tanganing makimaherak ki Reyna Esther.

Esther 8:5

“Kun mawilihan kan hade, saka kun may pagmakulog ka sako asin kun pagmarahayon mo, ipasurat mo an sarong pagboot tanganing mahalean nin halaga an pagboot ni Haman na aking lalaki ni Hammedata, na Agageo—an pagboot na itinao niya para sa pagpuho kan gabos na Judio sa imperyo.

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

Jeremias 38:26

Sabihan mo sinda na nakimaherak ka sako na dai ka na ibalik sa bilanggoan tanganing dai magadan duman.”