Esther 5:9 - Marahay na Bareta Biblia

⁹ Maogma asin magayagayang nagluwas si Haman kan aldaw na idto. Alagad kan nahiling niya si Mardokeo sa trangkahan kan palasyo, na dai man lamang nagtindog o nagpahiling nin paggalang kan nag-agi siya, nag-init an saiyang payo.

Esther 5:9 ပူးပေါင်းရင်းမြစ်များ

1 Mga Hade 21:4

Nagpuli si Ahab na mamondo saka anggot huli kan sinabi saiya ni Nabot. Naghigda siyang nakaatubang sa lanob asin habong magkakan.

1 Mga Hade 21:6

Nagsimbag siya, “Huli kan sinabi sako ni Nabot. Inalok ko siya na babakalon ko an saiyang ubasan o kun boot niya riribayan ko saiya nin ibang ubasan. Alagad sinabihan niya ako na dai niya pwedeng itao sako an saiyang ubasan!”

Esther 2:19

Dangan tinawan kan hade si Mardokeo nin sarong halangkaw na katongdan. (

Esther 3:2

An gabos na opisyal na naglilingkod sa hade nagluluhod saka nagtataong galang ki Haman, huli ta ini an pagboot kan hade. Alagad si Mardokeo dai nagluluhod o nagtataong galang ki Haman.

Esther 3:5

Kan mapatotoohan ni Haman na dai nagluhod o nagtaong galang saiya si Mardokeo, naanggot siya nin makuri,

Esther 5:13

Alagad mayo nin halaga an gabos na ini sagkod na nahihiling ko na nagtutukaw sa trangkahan kan palasyo an Judio na si Mardokeo.”

An Libro ni Job 20:5

na an kaogmahan kan maraot dai naghahaloy, asin an kaogmahan kan mga mayong Dios halipot?

An Libro ni Job 31:31

Naaaraman kan sakong mga trabahador na danay kong pinapasakat sa sakong harong an mga dayuhan.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 27:3

Maski mapalibotan ako nin sarong bilog na hukbo, dai matatakot an puso ko; maski salakayon ako kan sakong mga kaiwal, padagos akong magsasarig sa Dios.

Daniel 3:13

Pagkadangog kaini, naanggot nin marahay an hade dangan nagboot na darahon sa atubang niya an tolong lalaki.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Lukas 6:25

“Herak man saindo na mga basog ngunyan, huli ta magugutom kamo! “Herak man saindo na nagngingisi ngunyan, huli ta magmomondo asin magtatangis kamo!

Juan 16:20

Sa katotoohan sinasabihan ko kamo, magtatangis kamo saka magmomondo, alagad an kinaban mag-oogma; magmomondo kamo, alagad mariribayan iyan nin kaogmahan.

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.

Santiago 4:9

Magmondo kamo, maghibi saka maghaya; maghibi kamo embes na magngisi, magmondo embes na mag-ogma.