Esther 5:4 - Marahay na Bareta Biblia

⁴ Nagsimbag si Esther, “Kun pagmarahayon mo, Mahal na Hade, boot kong alokon ka saka si Haman ngunyan na banggi sa bangkete na inandam ko.”

Esther 5:4 ပူးပေါင်းရင်းမြစ်များ

Genesis 27:25

Dangan nagsabi si Isaac, “Daraha na digdi an linuto mo. Pakakakan ko, bebendisyonan taka.” Kaya dinara ni Jacob saiya an linuto asin nagkakan siya; dinarahan man siya ni Jacob nin arak asin nag-inom siya.

Genesis 32:20

Sabihon nindong, ‘Kasunod mi na si Jacob na saimong oripon.’” Nagsaboot si Jacob, “Sa kadaklan kan regalo ko, mawawara na an saiyang kaanggotan sako. Kaya sa oras na masabat ko siya, papatawadon na niya ako.”

Esther 1:9

Kan panahon na iyan, si Reyna Vasti nagbangkete man sa laog kan palasyo para sa mga babae.

Esther 3:15

Sa pagboot kan hade, nagluwas tolos an mga sugo, asin an dekreto ipinahayag sa Susa, an pangenot na syudad. Mantang maogmang nag-iinoman an hade saka si Haman, nagkariribok an gabos na taga Susa.

Esther 5:3

Naghapot an hade, “Ano an kaipuhan mo, Reyna Esther? Sabihan sako an boot mo asin itatao ko maski an kabanga kan sakong imperyo.”

Esther 5:5

Nagsabi an hade, “Apodon tolos si Haman tanganing masunod an kamawotan ni Esther.” Kaya nagduman an hade saka si Haman sa bangkete.

Esther 5:8

kun nawilihan ako kan hade asin kun pagmarahayon niya na itao an sakong kahagadan saka otobon ini, boot kong alokon ka asin si Haman sa saro pang bangkete na aandamon ko sa aga para saindo. Sa aga, sisimbagon ko an hapot kan hade.”

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Mga Talinhaga 29:11

Hayag kun maanggot an mangmang, alagad mayong girong na pinupugol kan madonong an saiyang kaanggotan.

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.