Esther 5:2 - Marahay na Bareta Biblia

² Pakahiling niya ki Esther na nagtitindog sa patyo, naogma siya asin iginawgaw saiya an bulawan na setro. Nagdolok si Esther saka dinutaan an poro kan setro.

Esther 5:2 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Esther 2:9

Nawilihan ni Hegai si Esther asin pinaorog niya ini. Tinawan niya tolos si Esther nin mga pampagayon saka espesyal na kakanon. Tinawan siya ni Hegai kan pinakamarahay na lugar sa harem asin nin pitong babaeng katabang na pinili hale sa palasyo.

Esther 4:11

“Gagadanon an siisay man, lalaki o babae, na lumaog sa pinakalaog na patyo asin umatubang sa hade na dai man ipinaapod. Iyan an katogonan; an lambang saro, magpoon sa mga parahatol kan hade sagkod sa mga tawo sa mga probinsya, nakakaaram kaiyan. Saro sana an paagi tanganing malikayan an katogonan na ini: kun iduta kan hade an saiyang bulawan na setro sa sarong tawo, maliligtas an buhay kan tawong iyan. Alagad sarong bulan na akong dai ipinapaapod kan hade.

Esther 8:4

Iginawgaw kan hade an saiyang bulawan na setro ki Esther, kaya nagtindog ini saka nagsabi,

Salmo 116:1

Namomotan ko an Kagurangnan, huli ta dinangog niya an sakong tingog asin mga pakimaherak.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.