Esther 4:4 - Marahay na Bareta Biblia

⁴ Kan sabihan si Esther kan saiyang mga sorogoon na babae saka eunuko manongod sa ginigibo ni Mardokeo, napurisaw siya nin makuri. Nagpadara siya nin mga gubing ki Mardokeo tanganing sanglean kaini an sulot na sako, alagad dai kaini inako an mga gubing.

Esther 4:4 ပူးပေါင်းရင်းမြစ်များ

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

2 Mga Hade 9:32

Nagtingkalag si Jehu asin nagkurahaw, “Siisay saindo an kakampi ko?” Nagdungaw an duwa o tolong opisyal sa palasyo,

Esther 1:12

Alagad kan isabi kan mga sorogoon ki Reyna Vasti an pagboot kan hade, nagsayumang magduman an reyna. Huli kaini naanggot nin makuri an hade.

Esther 4:3

Sa lambang probinsya na inabot kan pagboot asin dekreto kan hade, mapait na nagtangis an mga Judio. Nag-ayuno sinda, naghibi, naghaya asin an kadaklan sainda nagsulot nin sako dangan naghigda sa abo.

Esther 4:5

Kaya ipinaapod ni Esther si Hatak an saro sa mga eunuko kan hade na itinalaga bilang sorogoon niya dangan pinagbotan niya si Hatak na magduman ki Mardokeo tanganing aramon an nangyayari asin dahelan kan kamondoan kaini.

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Isaias 56:3

An dayuhan na nag-apil sa banwaan nin Kagurangnan dai magsabi, “Habo nin Kagurangnan na magsamba ako kaiba kan saiyang banwaan.” An lalaking kinapon dai mag-isip na dai siya pwedeng magin kabtang kan banwaan nin Dios huli ta dai siya magkakaigwa nin mga aki.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Mga Gibo 8:27

Kaya nag-andam si Felipe saka naglakaw. May sarong eunuko na taga Etiopia na papuli na hale sa pagsamba sa Dios sa Jerusalem. Saro siyang mahalagang opisyal na namamahala sa kayamanan kan Candace, an reyna kan Etiopia. Mantang nasa karwahe siya, binabasa niya an libro ni Propeta Isaias.

1 Samuel 8:15

Kukuahon niya an ikasampolong kabtang kan saindong inaning trigo saka ubas dangan itatao iyan sa saiyang mga opisyal sa palasyo asin ibang mga sorogoon.