Esther 4:3 - Marahay na Bareta Biblia

³ Sa lambang probinsya na inabot kan pagboot asin dekreto kan hade, mapait na nagtangis an mga Judio. Nag-ayuno sinda, naghibi, naghaya asin an kadaklan sainda nagsulot nin sako dangan naghigda sa abo.

Esther 4:3 ပူးပေါင်းရင်းမြစ်များ

Esther 1:1

Hale sa saiyang trono sa Susa, an pangenot na syudad nin Persia, naghade si Hadeng Jerjes magpoon sa India sagkod sa Etiopia; syento beynte y syete gabos na probinsya an sakop niya.

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Esther 4:2

sagkod na nakaabot siya sa agihan pasiring sa palasyo. Dai siya naglaog huli ta dai itinutugot na maglaog duman an nakagubing nin sako.

Esther 4:4

Kan sabihan si Esther kan saiyang mga sorogoon na babae saka eunuko manongod sa ginigibo ni Mardokeo, napurisaw siya nin makuri. Nagpadara siya nin mga gubing ki Mardokeo tanganing sanglean kaini an sulot na sako, alagad dai kaini inako an mga gubing.

Esther 9:31

saka nagboot sainda asin sa saindang mga kapagarakian na selebraron an aldaw nin Purim sa talaan na panahon, siring na nag-ako sinda nin mga pagsusundon para sa pag-ayuno saka para sa mga panahon nin pagmomondo. Ipinagboot ini ni Mardokeo saka ni Reyna Esther.

An Libro ni Job 2:8

Dangan nagkua si Job nin sarong pedaso kan pasang koron tanganing kagawon an saiyang mga lugad asin nagtukaw siya sa tambak nin abo.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 22:4

Kaya pabayae nindo ako sa mapait kong paghibi para sa sakong mga kahimanwa na nagadan. Hare ako nindo pagrangaha.

Isaias 58:5

Kun nag-aayuno kamo, pinapasakitan nindo an saindong mga hawak; idinuduko nindo an saindong payo siring sa sarong dahon nin doot, asin binibiklad nindo an sako dangan minahigda kamo sa abo. Aapodon daw nindong pag-aayuno an siring? Sa paghona nindo, mawiwili ako sa siring na gibo?

Ezekiel 27:30

Nagmomondo sinda nin makuri para saimo, nagbubugtak nin alpog sa saindang payo asin nagliligid sa abo.

Daniel 9:3

Namibi ako nin maigot sa Kagurangnan Dios, nakimaherak saiya, nag-ayuno, nagsulot nin sako asin nagtukaw sa abo.

Jonas 3:6

Kan an baretang ini nakaabot sa hade nin Nineve, naghale siya sa natutukawan niyang trono, hinuba an saiyang gubing dangan nagsulot nin sako asin nagtukaw sa abo.

Mateo 13:42

Iaapon sinda sa hornong nagkakalayo; magtatangis sinda duman, asin magraragot an saindang mga ngipon.

Mateo 22:13

Dangan sinabihan kan hade an mga katabang, ‘Gaposon nindo an saiyang kamot asin bitis dangan iapon siya sa kadikloman sa luwas. Duman magtatangis siya asin magraragot an saiyang mga ngipon.’”

Mateo 25:30

Aponan nindo ining daing pakinabang na sorogoon sa kadikloman sa luwas; diyan siya magtatangis asin magraragot an saiyang mga ngipon.’

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

1 Samuel 11:4

Kan an mga sinugo makaabot sa Gibea, sa pinag-eerokan ni Saul, inosip ninda sa mga tawo an bagay na ini, kaya naghiribi an mga tawo.