Esther 3:4 - Marahay na Bareta Biblia

⁴ Aroaldaw sinasabi ninda ini saiya, alagad habo siyang maghinanyog. Kaya inosip ninda si Mardokeo ki Haman tanganing mahiling kun may halaga an mga tataramon ni Mardokeo; huli ta sinabi kaini na siya sarong Judio.

Esther 3:4 ပူးပေါင်းရင်းမြစ်များ

Genesis 39:10

Minsan inoroaldaw kan agom ni Potifar an pag-alok ki Jose, nagsayuma siya.

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Esther 3:3

Naghapot saiya an ibang opisyal, “Tadaw ta linalapas mo an pagboot kan hade?”

Esther 3:5

Kan mapatotoohan ni Haman na dai nagluhod o nagtaong galang saiya si Mardokeo, naanggot siya nin makuri,

Daniel 3:12

Igwa nin nagkapirang Judio na saimong ibinugtak na mamahala kan probinsya nin Babilon—si Sadrak, si Mesak, asin si Abednego—na dai nagkukuyog kan saimong pagboot. Dai sinda nagsasamba kan saimong dios asin dai nagduduko sa atubang kan estatwang pinatindog mo.”

Daniel 6:13

Dangan nagsabi sinda sa hade, “Si Daniel, an saro kan mga nabihag hale sa Juda, dai minagalang saimo, mahal na hade, asin dai nagkukuyog kan pagboot na saimong pinaluwas. Tolong beses siyang namimibi sa sarong aldaw.”

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”