Esther 3:2 - Marahay na Bareta Biblia

² An gabos na opisyal na naglilingkod sa hade nagluluhod saka nagtataong galang ki Haman, huli ta ini an pagboot kan hade. Alagad si Mardokeo dai nagluluhod o nagtataong galang ki Haman.

Esther 3:2 ပူးပေါင်းရင်းမြစ်များ

Genesis 41:43

Tinawan man si Jose kan hade kan ikaduwa niyang karwahe tanganing lunadan niya kaiba an mga bantay na maeenot sa saiya asin magkukurahaw, “Luhod kamo!” Sa siring na paagi nagin gobernador si Jose kan bilog na Egipto.

Esther 2:19

Dangan tinawan kan hade si Mardokeo nin sarong halangkaw na katongdan. (

Esther 2:21

Kan panahon na si Mardokeo igwang katongdan sa palasyo, naanggot ki Hadeng Jerjes si Bigtana saka si Teres, an duwang eunuko na nagbabantay sa agihan pasiring sa mga kwarto kan hade. Nagplano sindang gadanon ini.

Esther 2:5

Duman sa Susa, igwa nin nag-erok na sarong Judio. Siya iyo si Mardokeo na aking lalaki ni Jair asin makoapo ni Simei, na aking lalaki ni Kis na Benjaminita.

Esther 3:1

Pakatapos kan mga pangyayaring ini, ilinangkaw ni Hadeng Jerjes sa katongdan si Haman na aking lalaki ni Hammedata, na sarong Agageo. Ginibo niya ining pangenot na ministro.

Esther 3:3

Naghapot saiya an ibang opisyal, “Tadaw ta linalapas mo an pagboot kan hade?”

Esther 3:5

Kan mapatotoohan ni Haman na dai nagluhod o nagtaong galang saiya si Mardokeo, naanggot siya nin makuri,

Esther 5:9

Maogma asin magayagayang nagluwas si Haman kan aldaw na idto. Alagad kan nahiling niya si Mardokeo sa trangkahan kan palasyo, na dai man lamang nagtindog o nagpahiling nin paggalang kan nag-agi siya, nag-init an saiyang payo.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Exodo 17:14

Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Exodo 17:16

Nagsabi siya, “Itaas nindo an bandera nin Kagurangnan! Sagkod pa man lalabanan nin Kagurangnan an mga Amalekita!”

Daniel 2:49

Sa pakiolay ni Daniel, si Sadrak, Mesak, asin Abednego ginibo kan hade na mamahala kan palakaw kan probinsya nin Babilon; alagad nagdanay si Daniel sa palasyo.

Deuteronomio 25:19

Kaya kun ligtas na kamo sa gabos nindong kaiwal na nag-eerok sa palibot nindo, asin itinao na saindo nin Kagurangnan na saindong Dios an dagang pamana, gadanon nindo an gabos na Amalekita tanganing mayo nang makagiromdom sainda. Dai nanggad kamo malingaw!

Filipos 2:10

Kaya sa ngaran ni Jesus, maluhod an gabos sa langit, sa daga saka sa irarom kan daga,

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”