Esther 2:9 - Marahay na Bareta Biblia

⁹ Nawilihan ni Hegai si Esther asin pinaorog niya ini. Tinawan niya tolos si Esther nin mga pampagayon saka espesyal na kakanon. Tinawan siya ni Hegai kan pinakamarahay na lugar sa harem asin nin pitong babaeng katabang na pinili hale sa palasyo.

Esther 2:9 ပူးပေါင်းရင်းမြစ်များ

Genesis 39:21

Alagad inibahan si Jose nin Kagurangnan na nagpahiling saiya nin danay na pagkamoot, kaya naoyonan siya kan bantay kan bilanggoan.

Genesis 39:4

Nagustohan si Jose ni Potifar, asin ginibo siya kaining pinaniwalaan na sorogoon; siya an nagin parapamahala kan harong ni Potifar asin kan gabos na pagsadiri kaini.

1 Mga Hade 8:50

Patawada sinda kan gabos nindang kasalan asin kasombikalan; ibugtak mo an pagkaherak sa puso kan mga nagbihag sainda tanganing maherakan sinda.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Esther 2:12

An kaugalean na pagpagayon sa mga babae minaabot sa sarong taon—anom na bulan na minamasahe sa lana nin mira asin anom na bulan na binubugtakan nin mga pahamot saka mga pampagayon. Pakatapos kaiyan, saro-saro na dadarahon ki Hadeng Jerjes an mga babae.

Esther 2:3

Pumili ka nin mga opisyal sa lambang probinsya kan imperyo asin pagbotan mo sinda na darahon an gabos na magagayon na hoben na birhen sa saimong harem digdi sa Susa, an pangenot na syudad. An mga babae ibugtak mo sa pangataman ni Hegai, an eunukong namamahala sa saimong mga babae, asin patawan mo sinda nin mga pampagayon na kaipuhan ninda.

Esther 5:2

Pakahiling niya ki Esther na nagtitindog sa patyo, naogma siya asin iginawgaw saiya an bulawan na setro. Nagdolok si Esther saka dinutaan an poro kan setro.

Salmo 106:46

Pinangagin niyang maherakan sinda kan mga nagsakop sa sainda.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Daniel 1:9

Ginibo nin Dios na mawilihan asin maherakan si Daniel ni Aspenaz.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.