Esther 10:2 - Marahay na Bareta Biblia

² An darakula saka makangangalas na mga bagay na ginibo niya, sagkod an bilog na istorya kan paglangkawan niya sa katongdan ki Mardokeo, gabos nasusurat sa opisyal na talaan kan mga hade nin Persia saka Media.

Esther 10:2 ပူးပေါင်းရင်းမြစ်များ

1 Mga Hade 11:41

An iba pang gibo ni Solomon, an saiyang paghade asin an saiyang kadonongan, gabos nakasurat sa librong “An Kasaysayan ni Solomon.”

1 Mga Hade 14:19

An iba pang mga gibo ni Jeroboam, an saiyang pakigera asin an saiyang paghahade gabos nasusurat sa An Kasaysayan kan mga Hade nin Israel.

1 Mga Hade 22:39

An iba pang ginibo ni Ahab, asin an itinugdok niyang marpil na harong saka an pinatindog niyang mga syudad, gabos nasusurat sa An Kasaysayan kan mga Hade nin Israel.

Esther 2:23

Nagkaigwa nin pagsiyasat asin naaraman na totoo an bareta, kaya binitay an duwang eunuko. Dangan nagboot an hade na an pangyayaring ini isurat sa mga opisyal na talaan kan imperyo.

Esther 6:1

Kan bangging idto dai nangangatorog an hade, kaya ipinakua niya an opisyal na talaan kan imperyo dangan ipinabasa idto mantang nagdadangog siya.

Esther 8:15

Nagluwas sa palasyo si Mardokeo na nakasulot nin gubing na panghade, na kolor asul saka puti; igwa siya nin dakulang bulawan na korona sa payo asin alikboy na pinong lino na kolor purpura. Dangan nadangog an kurahaw nin kaogmahan sa syudad nin Susa.

Esther 8:2

Hinale kan hade sa saiyang muro an singsing na igwa kan saiyang selyo (na binawi niya ki Haman) asin itinao idto ki Mardokeo. Ibinugtak ni Esther si Mardokeo na parapamahala kan pagsadiri ni Haman.

Esther 9:4

Aram na kan bilog na imperyo na si Mardokeo saro nang mapangyaring tawo sa palasyo asin nag-oorog an saiyang kapangyarihan.

Salmo 18:35

Kagurangnan, itinao mo sako an kalasag nin saimong kaligtasan; sinurog ako kan too mong kamot, asin pinangagin dakula kan saimong tabang.

Daniel 2:48

Dangan tinawan niya si Daniel nin halangkaw na katongdan saka kadakul na regalo, asin ibinugtak niya ining pamayo kan bilog na probinsya nin Babilon saka pamayo kan gabos na parahatol kan hade.