Esther 1:4 - Marahay na Bareta Biblia

⁴ Sa laog nin anom na bulan, ipinahiling niya sainda an mga kayamanan kan saiyang kahadean, an kamurawayan saka kagayonan kaini.

Esther 1:4 ပူးပေါင်းရင်းမြစ်များ

1 Mga Cronica 29:25

Pinangagin bantog nin Kagurangnan si Solomon sa atubang kan bilog na Israel, asin orog na pinadakula ki sa mga naenot na naghade sa Israel.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Esther 1:5

Pakatapos kaiyan, pitong aldaw siyang nagbangkete para sa gabos na taga Susa, mayaman man o dukha. Pitong aldaw na ginibo an bangkete sa patyo kan tatamnan kan palasyo.

An Libro ni Job 40:10

Kun magigibo mo, tumindog ka sa saimong kaomawan asin kapalangkawan; maggubing ka nin kamurawayan saka kagayonan.

Salmo 145:5

Ibabareta ninda an kamurawayan asin kamahalan mo; mga gibo mong ngangalasan hohorophoropon ko.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Salmo 45:3

Ihagkos mo an saimong espada, O mapangyaring hade; mamuraway ka asin mapangyari.

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

Isaias 39:2

Inako ni Ezekias an mga sugo dangan ipinahiling niya sainda an saiyang kayamanan—an saiyang mga plata saka bulawan, an saiyang mga pahamot saka mamahalon na lana, asin an gabos niyang kagamitan sa hukbo. Ipinahiling niya sainda an gabos na nasa mga kwartong sarayan asin an nasa gabos na lugar na sakop kan saiyang kahadean.

Ezekiel 28:5

Huli kan dakula mong kadonongan sa negosyo, nadagdagan an saimong kayamanan, asin nagin mapaabaw-abaw ka huli kaiyan.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Mateo 4:8

Dangan dinara si Jesus kan Demonyo sa sarong halangkawon na bukid. Ipinatanaw saiya an gabos na kahadean sa kinaban asin an saindang kamurawayan.

Mateo 6:13

Hare kami pabayae na madaog nin sogot, alagad agawon mo kami sa maraot.’

Roma 9:23

Ginibo niya ini tanganing mabantog an kayamanan nin saiyang kamurawayan na itinao niya sato na mga naherakan niya asin mga inandam niya para sa saiyang kamurawayan.

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”