Esther 1:3 - Marahay na Bareta Biblia

³ Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Esther 1:3 ပူးပေါင်းရင်းမြစ်များ

Genesis 40:20

Pakalihis nin tolong aldaw, sa kumpleanyo kan hade, nagtao siya nin bangkete sa gabos niyang opisyal; pinaluwas niya sa bilanggoan an saiyang kopero asin an saiyang panadero dangan pinaatubang sinda sa saiyang mga opisyal.

1 Mga Hade 3:15

Nagmata si Solomon asin naaraman niya na an Kagurangnan nagtaram saiya sa pangatorogan. Dangan nagduman siya sa Jerusalem asin nagtindog sa atubangan kan Kaban nin Tipan nin Kagurangnan; nagdolot siya duman nin mga tinutong na atang asin mga dolot para sa katoninongan. Pakatapos, nagbangkete siya para sa gabos niyang mga opisyal.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esther 1:14

An danay niyang hinahagadan nin hatol iyo si Carshena, Setar, Admata, Tarsis, Meres, Marsena, asin si Memucan, an pitong opisyal nin Persia saka Media, na nagkapot kan pinakahalangkaw na katongdan sa kahadean.

Esther 1:4

Sa laog nin anom na bulan, ipinahiling niya sainda an mga kayamanan kan saiyang kahadean, an kamurawayan saka kagayonan kaini.

Esther 2:18

Nagtao an hade nin dakulang bangkete sa kaomawan ni Esther asin inalok niya an gabos niyang opisyal saka mga parapamahala. Nagpahayag siya nin pyesta opisyal sa bilog na imperyo asin nanao nin dakul na regalo.

Esther 3:7

Kan ikadoseng taon nin paghahade ni Hadeng Jerjes, kan enot na bulan, an bulan nin Nisan, nagboot si Haman na gibohon an ripa na inapod Purim, tanganing maaraman niya kun anong aldaw saka bulan na dapat gibohon an saiyang plano. An luminuwas iyo an ikatreseng aldaw kan ikadoseng bulan, an bulan nin Adar.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Daniel 5:1

Sarong banggi, inalok ni Hadeng Belsazzar an sangribong kalalakihan sa sarong dakulang bangkete, asin nag-irinoman sinda.

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Daniel 6:1

Pinagmarahay ni Dario na magbugtak nin syento beynteng mga gobernador sa bilog niyang imperyo.

Daniel 8:20

“An lalaking karnero na nahiling mo na igwang duwang sungay, iyo an kahadean nin Media saka Persia.

Markos 6:21

Dangan nagkaigwa si Herodias nin oportunidad kan kumpleanyo ni Herodes; nagbangkete ini para sa mga haralangkaw na opisyal kan gobyerno, para sa mga opisyal kan hukbo asin para sa mga iginagalang na tawo sa Galilea.