Esdras 9:9 - Marahay na Bareta Biblia

⁹ Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Esdras 9:9 ပူးပေါင်းရင်းမြစ်များ

Esdras 2:68

Kan makaabot na sa Templo nin Kagurangnan sa Jerusalem an mga itinapok, nagtao an nagkapira sa mga pamayo nin mga kamaganakan nin mga boluntad na atang para sa paghirahay kan Templo sa dating namumugtakan kaini.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Esdras 7:8

Naghale sinda sa Babilonia kan enot na aldaw kan enot na bulan. Sa tabang nin Dios, nag-abot sinda sa Jerusalem kan enot na aldaw kan ikalimang bulan.

Esdras 9:10

“Alagad ngunyan, o samuyang Dios, ano an masasabi nyamo pakatapos kaini? Huli ta tinalikodan mi an saimong mga togon,

Nehemias 2:17

Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

Salmo 109:12

Mayo logod nin maherak saiya; ni maherak sa mga ilong aki niya.

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Isaias 14:3

An banwaan nin Israel tatawan nin Kagurangnan nin kapahingaloan sa saindang mga tinios na kulog saka kasakitan, asin sa magabat na trabaho na pirit na ipinagibo sainda.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 61:4

Papakarhayon ninda an mga syudad na haloy nang nagkararaot.

Ezekiel 11:16

“Kaya taraman mo an kapwa mo itinapok kaining sinasabi ko. Ako an nagdara sainda tanganing mag-erok sa harayong mga nasyon asin ako an nagwarak sainda sa ibang mga daga. Alagad makakaibahan ninda ako sa mga daga na saindang dinumanan sa laog kan panahon na iyan.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Hageo 1:9

“Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”