Esdras 9:8 - Marahay na Bareta Biblia

⁸ Alagad ngunyan, O Kagurangnan, na samuyang Dios, sa kadikit na panahon naherak ka asin tinugotan mong makadulag sa kaoripnan an nagkapira samo asin tinugotan mong mag-erok na ligtas sa banal na lugar na ini. Pinadulag mo kami sa kaoripnan asin tinawan mo nin bagong buhay.

Esdras 9:8 ပူးပေါင်းရင်းမြစ်များ

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Esdras 9:9

Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

An Libro ni Job 33:30

iliniligtas niya an buhay nin sarong tawo asin tinatawan siya kan kaogmahan nin pagkabuhay.

Salmo 13:3

Hilinga asin simbaga ako, Kagurangnan kong Dios. Balikan an sakong kosog; hare pagtugot na ako magadan.

Salmo 13:4

Hare pagtugot na magsabi an sakong mga kaiwal, “Nadaog mi siya.” Hare pagtugot na mag-ogma sinda huli ta ako nadaog.

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Salmo 34:5

Maghiling saiya asin magin maogma; tanganing dai masopog an saindang lalawogon.

Salmo 85:6

Ibalik mo giraray samo an buhay, tanganing mag-ogma sa saimo an banwaan mo.

Mga Talinhaga 29:13

Magkapareho sa sarong bagay an dukha asin an nang-aapi—pareho sinda tinawan kan Kagurangnan nin pakahiling.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 14:3

An banwaan nin Israel tatawan nin Kagurangnan nin kapahingaloan sa saindang mga tinios na kulog saka kasakitan, asin sa magabat na trabaho na pirit na ipinagibo sainda.

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Ezekiel 14:22

Kun igwang matadang buhay sa sainda asin ikinaligtas man ninda an saindang mga aki, maanan mo sinda kun magdolok sinda saimo. Mahihiling mo na mga maraot sinda asin masasabotan mo na matanos an pagpadusa ko sa Jerusalem;

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Sofonias 3:12

Iwawalat ko sa tahaw nindo an sarong mapakumbabang banwaan na madolok sako sa paghagad nin tabang.

Zacarias 10:4

Magikan sa sainda an mga pamayo, mga lider, saka mga paraboot tanganing mamahala sa sakong banwaan.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 8:6

“An siring kaini pwedeng sabihon kan mga nasyon na nagkatarada na dai mangyayari, alagad bakong imposible iyan para sako.

Roma 9:27

Alagad dapit sa mga Israelita, nagsabi si Isaias, “Dawa pa magdakul siring sa baybay kan dagat an kapagarakian ni Israel, dikit sana sainda an makakaligtas,

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.

1 Samuel 14:27

Alagad dai nadangog ni Jonatan an saiyang ama kan siya magpatanid, kaya idinuta niya an saiyang sugkod sa dugos asin nagkakan siya. Nagrahay tolos an saiyang pagmate.

1 Samuel 14:29

Nagsimbag si Jonatan, “Ano ining ginibo kan sakong ama sa satong mga kahimanwa! Hilinga nindo kun gurano karahay an sakong pagmate huli ta nagkakan ako nin kadikit na dugos!