Esdras 9:6 - Marahay na Bareta Biblia

⁶ Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

Esdras 9:6 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

1 Mga Hade 8:47

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Esdras 9:13

Maski pakatapos kan gabos na nangyari samo bilang padusa kan samong mga kasalan asin kasombikalan, aram nyamo na kulang pa nin marahay an padusa mo samo, O samuyang Dios, asin tinugotan mo pa kaming mabuhay.

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

An Libro ni Job 40:4

“Nagtaram ako siring sa sarong lolong, Kagurangnan; ano an ikakasimbag ko saimo? Dai na ako mataram nin ano pa man.

An Libro ni Job 42:6

Kaya nasosopog ako huli kan gabos kong sinabi asin nagsosolsol ako sa alpog saka sa abo.”

Salmo 38:4

Huli ta nalalamos ako kan sakong mga kasalan; sarong kargang magabat para sako.

Salmo 38:5

Nagbabata asin naglalapa an sakong mga lugad huli kan sakong kalolongan.

Exodo 32:31

Kaya nagbalik si Moises sa Kagurangnan asin nagsabi, “An mga tawong ini nagkasala nin makuri; naggibo sinda nin sarong dios-dios na bulawan.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 59:12

“Kagurangnan, kadakul na karatan an nagibo mi laban saimo; nagsasaksi an samong kasalan laban samo. Aram mi iyan gabos.

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 31:19

Nagtalikod kami saimo, alagad boot ming magbalik ngunyan. Pakatapos na padusahan mo kami, idinuko mi an samong mga payo huli sa kamondoan. Nasopog kami saka nawaraan nin onra huli ta nagkasala kami mantang kami mga hoben pa.’

Jeremias 51:9

Nagsabi an mga dayuhan na nag-eerok duman, ‘Hiningowa mi na tabangan an Babilonia, alagad huri na an gabos. Pabayaan ta na siya saka magbalik na kita sa sadiri tang banwaan. Bilog na kosog na pinadusahan nin Dios an Babilonia asin rinumpag niya nanggad ini.’”

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mga Panambitan 3:42

“Nagkasala kami saka nagtumang, asin dai mo kami pinatawad, O Kagurangnan.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Levitico 26:40

“Alagad ikukumpisal kan saindong mga kapagarakian an saindang mga kasalan saka an kasalan kan saindang mga ginikanan na nagsuhay asin nagtumang sako,

Lukas 15:21

Sinabihan kan aki an saiyang ama, ‘Ama ko, nagkasala ako sa Dios asin saimo. Bako na akong maninigo na apodon pang aki mo. Ibilang mo na sana akong saro kan saimong mga tinatandanan na trabahador.’

Lukas 18:13

Alagad an parasingil nin buhis na nakatindog sa harayo, dai nangangahas magtangad sa langit, kundi tinutumbok an saiyang daghan asin nagsasabi, ‘O Dios ko, kaheraki man ako na sarong parakasala!’

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Kapahayagan 18:5

Huli ta an saiyang mga kasalan tambak na sagkod sa kalangitan, dai malilingawan nin Dios an saiyang karatan.