Esdras 9:11 - Marahay na Bareta Biblia

¹¹ na itinao mo samo sa paagi kan mga propeta na saimong mga sorogoon. Sinabihan ninda kami na, “An daga na saindong lalaogon asin sasadirihon sarong maating daga. Magpoon sa sarong poro kaiyan sagkod sa saro pang poro, pano iyan nin mga tawo na naggigibo nin makauuyam na mga bagay.

Esdras 9:11 ပူးပေါင်းရင်းမြစ်များ

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

2 Mga Cronica 33:2

Nagkasala siya sa Kagurangnan huli ta nagsunod siya kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

Esdras 6:21

An mga sakripisyo kinakan kan gabos na nagbalik hale sa pagkatapokan asin kan lambang saro na nag-iba sainda saka nagbaya kan mga paganong gawe kan ibang banwaan, mga tawo na nag-eerok na ngunyan sa daga asin nagsasamba sa Kagurangnan, an Dios nin Israel.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Esdras 9:10

“Alagad ngunyan, o samuyang Dios, ano an masasabi nyamo pakatapos kaini? Huli ta tinalikodan mi an saimong mga togon,

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 18:12

Ikinakaongis nin Kagurangnan an mga tawong naggigibo kaiyan, kaya ngani papahaleon niya an mga nasyon na idto sa pagdangadang nindo.