Esdras 9:1 - Marahay na Bareta Biblia

¹ Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Esdras 9:1 ပူးပေါင်းရင်းမြစ်များ

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

1 Mga Hade 11:1

Namoot si Solomon sa dakul na babaeng dayuhan. Pwera sa aking babae kan hade nin Egipto, nag-agom pa siya nin mga babaeng Moabita, Ammonita, Edomita, Sidoneo, asin Heteo.

2 Mga Cronica 33:2

Nagkasala siya sa Kagurangnan huli ta nagsunod siya kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 8:7

Ipinagboot ni Solomon an pirit na pagpatrabaho sa mga kapagarakian kan mga taga Canaan na dai ginaradan kan mga Israelita kan sakopon ninda an daga. An mga ini iyo an mga Heteo, Amoreo, Perezeo, Heveo saka Jebuseo, na an mga kapagarakian naglilingkod bilang mga oripon sagkod ngunyan.

Esdras 10:2

Dangan nagsabi ki Esdras si Secanias na aking lalaki ni Jehiel kan kamaganakan ni Elam, “Nagkasala kami sa samuyang Dios huli ta nag-agom kami nin mga dayuhan na babae, alagad minsan siring, igwa pa nin paglaom para sa Israel.

Esdras 10:8

sa pagboot kan mga lider kan banwaan. An siisay man na dai magduman sa laog nin tolong aldaw, eembargohan kan gabos niyang pagsadiri asin dai na ibibilang na kaayon sa komunidad.

Nehemias 13:23

Kan mga aldaw na idto, naaraman ko na dakul sa mga Judio an nag-agom nin mga babaeng taga Asdod, Ammon, asin Moab.

Nehemias 4:3

Nagsabi man si Tobias na Ammonita na nakatindog sa kataed niya, “Anong klaseng kudal an itutugdok ninda? Marurumpag sana iyan kun sakatan nin sarong lobo!”

Nehemias 4:7

Naanggot nin makuri si Sanballat, si Tobias, asin an mga Arab, mga Ammonita, saka an mga Asdodita kan madangog ninda na padagos an paghirahay mi kan mga kudal nin Jerusalem asin na nagkasurulat mi na an mga labot kaini.

Nehemias 9:2

Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

Salmo 106:35

kundi nakipag-agoman sinda sa mga pagano, asin inarog an saindang mga gibo.

Exodo 13:5

Nanuga an Kagurangnan sa saindong mga ginikanan na itatao niya saindo an daga kan mga Cananeo, Heteo, Amoreo, Heveo asin mga Jebuseo. Kun darahon na niya kamo duman sa dagang mayaman sa gabos na bagay, gibohon nindo ining pyesta sa enot na bulan kan lambang taon.

Exodo 23:23

Mangengenotan sa saindo an sakong anghel pasiring sa daga kan mga Amoreo, Heteo, Perezeo, Cananeo, Heveo asin Jebuseo dangan paparaon ko sinda gabos.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Jeremias 26:10

Kan maaraman kan mga lider nin Juda an nangyari, hidali sindang nagduman sa Templo hale sa palasyo asin nagtukaw sinda sa may Bagong Trangkahan.

Jeremias 26:16

Dangan tinaraman kan mga lider asin kan mga tawo an mga padi saka an mga propeta, “An lalaking ini dai maninigong padusahan nin kagadanan huli ta nagtaram siya sato sa ngaran nin Kagurangnan na satong Dios.”

Levitico 18:3

Dai nindo pag-arogon an mga ginigibo kan mga tawo sa daga nin Egipto, na nagin erokan nindo o an mga ginigibo kan mga nag-eerok sa Canaan, na pagdadarahan ko saindo.

Malakias 2:11

Linapas kan mga taga Juda an saindang panuga sa Dios asin naggibo sinda nin makauuyam na bagay sa Jerusalem asin sa bilog na daga. Dinigtaan ninda an Templo na namomotan nin Kagurangnan. Inagom kan mga lalaki nin Juda an mga babaeng nagsasamba sa dayuhan na mga dios-dios.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Mga Bilang 25:6

Saro sa mga Israelita an nagdara nin babaeng Midianita sa saiyang tolda sa panhiling ni Moises asin kan bilog na komunidad mantang nagtatangis an mga ini sa may pintoan kan Tabernakulo.

Deuteronomio 18:9

“Kun makaabot na kamo sa daga na itinatao saindo nin Kagurangnan na saindong Dios, hare kamo pagsunod sa mga makauuyam na kaugalean kan mga nasyon na yaon duman.

Deuteronomio 23:8

Pwedeng ibilang sa banwaan nin Dios an saindang kapagarakian magpoon sa ikatolong henerasyon.

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Josue 23:12

Kun magtalikod kamo saiya asin makisumaro sa mga natatadang nasyon na iyan sa kaibahan nindo asin makipag-agoman sainda,