Esdras 8:36 - Marahay na Bareta Biblia

³⁶ An kasuratan na hale sa emperador itinao man ninda sa mga gobernador saka mga opisyal kan probinsya sa ibong kan Salog nin Eufrates; dangan tinabangan kan mga ini an banwaan asin an Templo nin Dios.

Esdras 8:36 ပူးပေါင်းရင်းမြစ်များ

Esdras 6:13

Dangan siring sa itinaram ni Emperador Dario, an gabos na ipinagboot kan emperador kinuyog ni Tatenai na gobernador kan probinsya sa ibong kan Salog nin Eufrates, ni Setar-bozenai, asin kan mga kairiba ninda.

Nehemias 2:7

Nagsabi pa ako sa emperador, “Kun pagmarahayon mo, tawe ako nin mga surat para sa mga gobernador kan probinsya sa ibong kan Salog nin Eufrates, tanganing tugotan ninda akong mag-agi sagkod na makaabot ako sa Juda.

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 9:3

An totoo, an gabos na opisyal sa probinsya—an mga gobernador, mga administrador, asin mga representante kan hade—nagtarabang sa mga Judio huli ta gabos sinda takot ki Mardokeo.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mga Gibo 18:27

Kan magmawot si Apolos na magduman sa Grecia, tinabangan siya kan mga katugangan sa Efeso. Nagsurat sinda sa mga disipulo sa Grecia na akoon ninda siya. Pag-abot duman ni Apolos, natabangan niya nin marahay idtong mga nagturubod sa paagi kan biyaya nin Dios.

Kapahayagan 12:16

Alagad tinabangan kan daga an babae; ibinuka kan daga an ngoso niya saka hinalon an tubig na ibinuga kan dragon.