Esdras 8:17 - Marahay na Bareta Biblia

¹⁷ Pinaduman ko sinda ki Iddo, na pamayo kan komunidad na nasa Casifia, tanganing sabihan ini asin an saiyang kairiba, an mga trabahador sa Templo, na magpadara nin mga tawong malingkod sa Dios duman sa Templo.

Esdras 8:17 ပူးပေါင်းရင်းမြစ်များ

2 Samuel 14:19

“Bakong si Joab an nagpasunod saimo kaini?” an hapot ni David. Nagsimbag an babae, “Mantang buhay ka, sakong namomotan na hade, isinusumpa ko na mayo nin paagi na malikayan an pagsimbag kan saimong hapot. Si Joab mananggad an nagtukdo sako kan sakong gigibohon asin sasabihon.

2 Samuel 14:3

dangan magduman ka sa hade, asin sabihan mo siya kan sasabihon ko saimo.” Dangan sinabihan siya ni Joab kan saiyang sasabihon.

1 Mga Cronica 9:2

An enot na nagbaralik sa saindang pagsadiri duman sa mga syudad iyo an mga ordinaryong Israelita, an mga padi, an mga Levita asin an mga sorogoon sa Templo.

Esdras 2:43

Mga kamaganakan nin mga trabahador sa Templo na nagbalik hale sa pagkatapokan: Ziha, Hasufa, Tabbaot, Keros, Siaha, Padon, Lebana, Hagaba, Akkub, Hagab, Samlai, Hanan, Giddel, Gahar, Reaias, Rezin, Nekoda, Gazzam, Uzza, Pasea, Besai, Asna, Meunim, Nefisim, Bakbuk, Hakufa, Harhur, Bazlut, Mehida, Harsa, Barkos, Sisera, Tema, Nezias, asin Hatifa

Esdras 2:58

Tres syentos nubenta y dos an bilang kan mga kapagarakian nin mga trabahador sa Templo asin kan mga sorogoon ni Solomon na nagbalik hale sa pagkatapokan.

Esdras 8:16

Ipinaapod ko an siyam kan mga lider. An mga ini iyo si Eliezer, Ariel, Semaias, Elnatan, Jarib, Elnatan, Natan, Zacarias, asin si Mesullam. Ipinaapod ko man an duwang paratukdo na si Joiarib asin si Elnatan.

Exodo 4:15

Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Mga Bilang 18:6

Ako an nagpili kan mga Levita na saimong mga kadugo hale sa gabos na Israelita bilang sarong regalo saimo. Idinolot sinda sako tanganing magibo ninda an saindang katongdan sa Tabernakulo.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.

Tito 1:5

Iwinalat taka sa Creta tanganing husayon mo an mga bagay na dapat pang husayon, asin magbugtak nin mga lider sa lambang banwaan siring sa ipinagboot ko saimo.