Esdras 8:15 - Marahay na Bareta Biblia

¹⁵ Tinipon ko an bilog na grupo sa tampi kan salog na nagbubulos pasiring sa banwa nin Ahava, asin duman kami nagkampo sa laog nin tolong aldaw. Nahiling ko na igwa nin mga padi sa katiriponan, alagad mayo nin Levita.

Esdras 8:15 ပူးပေါင်းရင်းမြစ်များ

Esdras 7:24

Ipinapaisi ko man saindo na ipinapangalad an pagkolekta nin buhis sa mga padi, sa mga Levita, sa mga paratugtog sa Templo, sa mga bantay, sa mga sorogoon sa Templo, o sa kiisay man na sorogoon sa Templong ini nin Dios.

Esdras 7:28

asin naghiras sako kan danay niyang pagkamoot sa atubangan kan emperador, kan mga parahatol kaini, asin sa atubangan kan gabos na mapangyaring opisyal kan emperador. Sa tabang nin Kagurangnan na sakuyang Dios, nagkosog an sakong boot asin natipon ko an mga pamayo kan mga kamaganakan nin Israel tanganing magbalik kaiba ko.”

Esdras 8:16

Ipinaapod ko an siyam kan mga lider. An mga ini iyo si Eliezer, Ariel, Semaias, Elnatan, Jarib, Elnatan, Natan, Zacarias, asin si Mesullam. Ipinaapod ko man an duwang paratukdo na si Joiarib asin si Elnatan.

Esdras 8:2

Si Gersom, kan kamaganakan ni Finehas si Daniel, kan kamaganakan ni Itamar si Hattus na aking lalaki ni Secanias, kan kamaganakan ni David si Zacarias, kan kamaganakan ni Paros, kaiba an syento singkwentang lalaki na kaayon sa saiyang kamaganakan (na gabos nasa lista kan saindang pamilya) Si Elieoenai na aking lalaki ni Zerahias, kan kamaganakan ni Pahat-moab, kaiba an duwang gatos na lalaki si Secanias na aking lalaki ni Jahaziel, kan kamaganakan ni Zattu, kaiba an tolong gatos na lalaki si Ebed na aking lalaki ni Jonatan, kan kamaganakan ni Adin, kaiba an singkwentang lalaki si Jesaias na aking lalaki ni Atalias, kan kamaganakan ni Elam, kaiba an setentang lalaki si Zebadias na aking lalaki ni Miguel, kan kamaganakan ni Sefatias, kaiba an otsentang lalaki si Obadias na aking lalaki ni Jehiel, kan kamaganakan ni Joab, kaiba an dos syentos dyes y otsong lalaki si Selomit na aking lalaki ni Josifias, kan kamaganakan ni Bani, kaiba an syento sesentang lalaki si Zacarias na aking lalaki ni Bebai, kan kamaganakan ni Bebai, kaiba an beynte y otsong lalaki si Johanan na aking lalaki ni Hakkatan, kan kamaganakan ni Azgad, kaiba an syento dyes na lalaki si Elifelet, si Jeuel asin si Semaias, kan kamaganakan ni Adonikam, kaiba an sesentang lalaki (hudyan sindang nagbalik) si Utai asin si Zaccur, kan kamaganakan ni Bigvai, kaiba an setentang lalaki.

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Esdras 8:31

Kan ikadoseng aldaw kan enot na bulan, naghale kami sa Salog nin Ahava dangan nagpasiring sa Jerusalem. Tinabangan kami kan samuyang Dios asin ilinigtas kami sa mga pagsalakay saka

Salmo 137:1

Sa tampi kan mga salog nin Babilonia kami nagturukaw asin nagtarangis, kan magiromdoman mi an Sion.

Ezekiel 1:1

Sa ikalimang aldaw kan ikaapat na bulan kan ikatreyntang taon, kan ako, si Ezekiel na padi, na aking lalaki ni Buzi, nag-eerok duman sa may Salog nin Kebar sa Babilonia kaiba kan mga itinapok na Judio, nabuksan an kalangitan asin nahiling ko an sarong bisyon nin Dios. (

Ezekiel 3:15

Dangan nakaabot ako sa Tel Abib, sa tampi kan Salog nin Kebar, saen nag-eerok an mga itinapok, asin nag-ontok ako duman sa laog nin pitong aldaw, mga aldaw na pano nin pagngalas sa sakong nahiling saka nadangog.

Mga Gibo 16:13

Kan aldaw na Sabbath, nagluwas kami sa syudad. Nagduman kami sa tampi kan salog sa paglaom na igwa duman nin pamibian an mga Judio. Nagtukaw kami dangan nakipag-olay sa mga babae na nagtiripon duman.