Esdras 7:6 - Marahay na Bareta Biblia

^6-7 Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Esdras 7:6 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Esdras 5:5

Alagad binantayan nin Dios an mga kamagurangan na Judio, kaya dai pinaontok kan mga taga Persia an mga nagtrabaho sagkod na dai sinda makapag-osip ki Emperador Dario dangan suratan sinda kaini.

Esdras 6:22

Sa laog nin pitong aldaw, maogmang pinagselebrar ninda an Pyesta kan Tinapay na Mayo nin Lebadura. Maogma sinda huli ta ginibo nin Kagurangnan na mawilihan sinda kan emperador nin Asiria, tanganing tabangan sinda sa pagtugdok giraray kan Templo kan Dios nin Israel.

Esdras 7:21

“Pinagbobotan ko an mga namamahala kan kayamanan sa probinsya sa ibong kan Salog nin Eufrates na itao tolos ki Esdras, an padi asin paratukdo kan Katogonan kan Dios nin langit, an gabos na hagadon niya,

Esdras 7:28

asin naghiras sako kan danay niyang pagkamoot sa atubangan kan emperador, kan mga parahatol kaini, asin sa atubangan kan gabos na mapangyaring opisyal kan emperador. Sa tabang nin Kagurangnan na sakuyang Dios, nagkosog an sakong boot asin natipon ko an mga pamayo kan mga kamaganakan nin Israel tanganing magbalik kaiba ko.”

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Esdras 8:1

Iyo ini an lista kan mga pamayo kan mga kamaganakan na itinapok sa Babilonia asin nagbalik sa Jerusalem kaiba ni Esdras kan si Artajerjes iyo an emperador:

Esdras 8:18

Sa tabang nin Dios, ipinadara ninda samo si Serebias, sarong lalaki na may pakasabot, na sarong Levita na gikan sa kamaganakan ni Mali, asin an dyes y otso niyang aking lalaki saka mga tugang na lalaki.

Esdras 8:22

Nasopog ako na maghagad sa emperador nin sarong tropa nin nakakabayong mga soldados tanganing bantayan kami sa mga kaiwal mantang kami nagbabaklay, huli ta sinabihan ko an emperador na binabantayan nin samuyang Dios an gabos na nagsasarig saiya, asin an bagsik kan saiyang kaanggotan pinapahugpa niya sa gabos na minatalikod saiya.

Esdras 8:31

Kan ikadoseng aldaw kan enot na bulan, naghale kami sa Salog nin Ahava dangan nagpasiring sa Jerusalem. Tinabangan kami kan samuyang Dios asin ilinigtas kami sa mga pagsalakay saka

Nehemias 12:26

An mga tawong ini nagkaburuhay kan panahon ni Joiakim na aking lalaki ni Josue saka makoapo ni Jehozadak, kan panahon kan gobernador na si Nehemias asin kan panahon ni Esdras, an padi na paratukdo kan Katogonan.

Nehemias 12:36

Kasunod ni Zacarias an iba pang kaayon kan saiyang kamaganakan na iyo si Semaias, Azarel, Milalai, Gilalai, Maai, Netanel, Juda, asin Hanani, na gabos igwa nin darang instrumento sa pagtugtog arog kan mga ginamit ni Hadeng David, an sorogoon nin Dios. An namayo kan grupong ini iyo si Esdras, na paratukdo kan Katogonan.

Nehemias 2:12

dai ko sinabi maski kiisay an ipinasabong sako nin Dios na gibohon ko para sa Jerusalem. Dangan sa kamatangaan nin banggi, nagbangon ako saka nagluwas kaiba an nagkapirang lalaki. An dara ming hayop iyo sana an asno na sakong linunadan.

Nehemias 2:18

Dangan sinabihan ko sinda kun paano ako inibahan saka tinabangan nin Dios, asin kun ano an sinabi sako kan emperador. Nagsimbag sinda, “Poonan ta na an trabaho!” Kaya sinda nag-andam sa pagtrabaho.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Nehemias 4:15

Nabaretaan kan samong mga kaiwal na naisihan mi an saindang mga plano asin nahiling ninda na dai ini pinapangyari nin Dios. Dangan nagbalik kami gabos sa kudal, lambang saro sa saiyang trabaho.

Nehemias 8:1

Kan ikapitong bulan, an banwaan nin Israel napamugtak na sa saindang mga banwa. Kan enot na aldaw kan bulan na idto, nagtiripon sinda gabos sa Jerusalem, duman sa atubangan kan Trangkahan nin Tubig. Sinabihan kan mga tawo si Esdras, na sarong padi asin paratukdo kan Katogonan, na darahon an Libro kan Katogonan na itinao nin Kagurangnan sa Israel huli ki Moises.

Nehemias 8:13

Kan sunod na aldaw, an mga pamayo kan mga kamaganakan, kaiba an mga padi saka an mga Levita, nagduman ki Esdras tanganing adalan an mga katukdoan kan Katogonan.

Nehemias 8:4

Nakatindog si Esdras sa ibabaw nin sarong platapormang kahoy na ginibo para sa okasyon na idto. Nagtirindog sa saiyang too si Mattitias, si Sema, si Anaias, si Urias, si Hilkias, saka si Maaseias; nagtirindog sa wala niya si Pedaias, si Misael, si Malkias, si Hasum, si Hasbaddana, si Zacarias, saka si Mesullam.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Salmo 109:27

Kagurangnan, pasaboton mo an mga kaiwal ko na ika an nagligtas sako.

Salmo 147:19

An saiyang tataramon ipinapahayag niya ki Jacob, ki Israel an saiyang mga togon asin pagboot.

Salmo 45:1

Pano nin magagayon na tataramon, an sakong isip, mantang ginigibo ko an awit na ini para sa hade. Siring sa pluma nin sarong marahay na parasurat, an sakong dila andam sa pagsabi nin sarong tula.

Salmo 80:18

Dai mi na nanggad ika tatalikdan. Tawe kami nin buhay, asin aapodon mi an saimong ngaran.

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Jeremias 8:8

Paano nindo nasasabi na madonong kamo saka naaaraman nindo an mga katogonan ko? Alagad an mga togon binago kan mga madayang eskriba.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”

Mateo 23:2

“An mga paratukdo kan Katogonan asin an mga Fariseo iyo an minimidbid na parapaliwanag kan Katogonan ni Moises.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

1 Corinto 1:20

Kun siring, ano na an kamugtakan kan mga madonong? o kan mga haralangkaw an inadalan? o kan mga matitibay na paradebate sa panahon na ini? An kadonongan kan kinaban na ini, ginibo nin Dios na kalolongan!

1 Corinto 15:1

Ngunyan, mga tugang, boot kong ipagiromdom saindo an Marahay na Bareta na ipinaghulit ko saindo, na inako nindo saka pinatugmadan kan saindong pagtubod.

Deuteronomio 28:1

“Kun magkuyog kamo sa Kagurangnan na saindong Dios asin maimbod na mag-otob kan saiyang mga pagboot na itinatao ko saindo ngunyan na aldaw, gigibohon niya kamong pinakadakula sa gabos na nasyon sa daga.

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.