Esdras 7:5 - Marahay na Bareta Biblia

⁵ Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Esdras 7:5 ပူးပေါင်းရင်းမြစ်များ

1 Mga Cronica 6:4

Iyo ini an mga kapagarakian ni Eleazar sa pasurunod-sunod na henerasyon magpoon saiya; Eleazar, Finehas, Abisua,

2 Mga Cronica 19:11

An Halangkaw na Padi na si Amarias iyo an igwa kan kapangyarihan manongod sa mga kasong relihiyoso; siring man si Zebadias na aking lalaki ni Ismael, an gobernador nin Juda, iyo an igwa kan kapangyarihan manongod sa mga kasong sibil. An mga Levita iyo an malingkod saindo bilang mga opisyal. Pakosogon nindo an saindong boot asin ibahan logod nin Kagurangnan an matanos!”

2 Mga Cronica 26:20

Nahiling ni Azarias asin kan iba pang mga padi an nakakatakot na helang sa kublit sa angog kan hade kaya pinahale tolos ninda ini sa Templo asin ini mismo naghidali pagluwas, huli ta pinadusahan siya nin Kagurangnan.

Esdras 7:4

Si Meraiot aki ni Zerahias, na aki ni Uzzi na aki ni Bukki.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Exodo 6:25

Inagom ni Eleazar na aking lalaki ni Aaron an saro sa mga aking babae ni Putiel. Nagin aki ninda si Finehas. Ini an mga namamayo kan mga pamilya saka kan mga kamaganakan kan mga tribu ni Levi.

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 10:16

Naghapot si Moises manongod sa kanding na dolot para sa kasalan asin naisihan niya na tinutong na idto. Naanggot siyang marahay ki Eleazar saka ki Itamar. Hinapot niya sinda,

Levitico 10:6

Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

Mga Bilang 27:2

Nagdolok sinda ki Moises, sa pading si Eleazar, sa mga lider sagkod sa bilog na komunidad duman sa may pintoan kan Tabernakulo, asin nagsabi,

Mga Bilang 3:32

Si Eleazar na aking lalaki ni Aaron iyo an magigin pamayo kan mga Levita. Siya an mamamahala sa mga tawong may katongdan sa Banal na Lugar.

Mga Bilang 31:31

Ginibo ni Moises asin ni Eleazar an pagboot nin Kagurangnan.

Mga Bilang 31:54

An bulawan dinara ni Moises asin ni Eleazar sa Tabernakulo tanganing atamanon nin Kagurangnan an banwaan nin Israel.

Mga Bilang 31:6

Ipinadara sinda sa gera ni Moises sa pamamahala ni Finehas na aking lalaki kan pading si Eleazar. Siya man an namahala kan mga banal na kagamitan asin kan mga trompeta para sa alarma.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Josue 14:1

An masunod iyo an istorya kun paano binanga sa mga Israelita an daga nin Canaan sa solnopan kan Salog nin Jordan. Binaranga idto sa mga tawo kan padi na si Eleazar, ni Josue na aki ni Nun, asin kan mga lider kan mga pamilya kan mga tribu nin Israel.

Josue 22:13

Sinugo kan mga Israelita si Finehas, na aki ni Eleazar na padi, na magduman sa Gilead sa mga tribu ni Ruben, Gad, asin sa kabangang tribu ni Manases.

Josue 22:31

Nagsabi sainda si Finehas, na aki ni Eleazar na padi, “Aram mi na ngunyan na kaiba nyato an Kagurangnan. Dai kamo nagtumang saiya, kaya ilinigtas nindo an mga Israelita sa padusa nin Kagurangnan.”

Josue 24:33

Nagadan man si Eleazar na aking lalaki ni Aaron asin ilinubong siya sa Gibea, an banwang nasa mabulod sa daga nin Efraim na itinao sa saiyang aking lalaki na si Finehas.