Esdras 7:28 - Marahay na Bareta Biblia

²⁸ asin naghiras sako kan danay niyang pagkamoot sa atubangan kan emperador, kan mga parahatol kaini, asin sa atubangan kan gabos na mapangyaring opisyal kan emperador. Sa tabang nin Kagurangnan na sakuyang Dios, nagkosog an sakong boot asin natipon ko an mga pamayo kan mga kamaganakan nin Israel tanganing magbalik kaiba ko.”

Esdras 7:28 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

Esdras 5:5

Alagad binantayan nin Dios an mga kamagurangan na Judio, kaya dai pinaontok kan mga taga Persia an mga nagtrabaho sagkod na dai sinda makapag-osip ki Emperador Dario dangan suratan sinda kaini.

Esdras 7:14

Ako, kaiba an pito kong parahatol, an minasugo saimo tanganing magsiyasat kan kamugtakan sa Juda saka sa Jerusalem tanganing aramon kun kinukuyog an Katogonan nin saimong Dios na itinao sa saimong pamamahala.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Esdras 8:1

Iyo ini an lista kan mga pamayo kan mga kamaganakan na itinapok sa Babilonia asin nagbalik sa Jerusalem kaiba ni Esdras kan si Artajerjes iyo an emperador:

Esdras 8:15

Tinipon ko an bilog na grupo sa tampi kan salog na nagbubulos pasiring sa banwa nin Ahava, asin duman kami nagkampo sa laog nin tolong aldaw. Nahiling ko na igwa nin mga padi sa katiriponan, alagad mayo nin Levita.

Esdras 8:18

Sa tabang nin Dios, ipinadara ninda samo si Serebias, sarong lalaki na may pakasabot, na sarong Levita na gikan sa kamaganakan ni Mali, asin an dyes y otso niyang aking lalaki saka mga tugang na lalaki.

Esdras 9:9

Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Salmo 109:12

Mayo logod nin maherak saiya; ni maherak sa mga ilong aki niya.

Jonas 3:7

Nagpaluwas siya nin sarong pagboot sa mga taga Nineve: “Saro ining pagboot hale sa hade asin sa saiyang mga opisyal: Kaipuhan dai nanggad magkakan nin anoman an siisay man; ipinapangalad sa gabos na tawo o hayop, an pagkakan asin an pag-inom.