Esdras 7:15 - Marahay na Bareta Biblia

¹⁵ Darahon mo an bulawan saka plata na mawot kong itao asin boot man itao kan sakong mga parahatol sa Dios nin Israel na an Templo yaon sa Jerusalem.

Esdras 7:15 ပူးပေါင်းရင်းမြစ်များ

1 Mga Cronica 29:6

Dangan nagtarao nin mga boluntad na dolot an mga pamayo nin mga kamaganakan, an mga lider kan mga tribu, an mga opisyal nin mga rinibo saka mga ginatos na soldados, asin an mga administrador kan mga sadiri kan hade.

2 Mga Cronica 2:6

Alagad siisay an makakapagtugdok nin sarong templo para saiya, na maski an kahiwasan kan bilog na kalangitan dai magkakanigo para saiya? Kaya anong templo an ikakapatugdok ko para saiya kundi arog sana sa sarong lugar na tinututongan nin insenso sa atubang niya?

2 Mga Cronica 32:23

Dakul an nagduman sa Jerusalem na nagdadara nin mga dolot sa Kagurangnan asin nin mga regalo ki Ezekias na hade nin Juda, kaya poon kaidto inomaw si Ezekias kan gabos na nasyon.

2 Mga Cronica 6:2

Itinugdok taka nin sarong magayon na Templo, sarong lugar na saimong erokan sagkod lamang.”

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Esdras 6:4

An mga lanob gigibohon na igwa nin sarong raya nin kahoy sa lambang tolong taytay nin pinagpatong-patong na gapo. An gabos na gasto babayadan hale sa kayamanan kan hade.

Esdras 7:14

Ako, kaiba an pito kong parahatol, an minasugo saimo tanganing magsiyasat kan kamugtakan sa Juda saka sa Jerusalem tanganing aramon kun kinukuyog an Katogonan nin saimong Dios na itinao sa saimong pamamahala.

Esdras 8:25

Tinimbang ko an plata, an bulawan, asin an mga kagamitan na itinao kan emperador, kan saiyang mga parahatol saka mga opisyal, patin kan banwaan nin Israel tanganing gamiton sa Templo, dangan itinao ko ini sa mga padi.

Salmo 135:21

Hale sa Sion omawon an Kagurangnan, na nag-eerok sa Jerusalem! Omawon an Kagurangnan!

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 76:11

Otobon nindo sa Kagurangnan na saindong Dios, an saindong panuga saiya. Gabos na nasyon sa palibot magdara nin mga dolot sa saiya na maninigong katakotan,

Salmo 76:2

An saiyang harong yaon sa Jerusalem, nag-eerok siya sa Bukid nin Sion.

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!