Esdras 7:14 - Marahay na Bareta Biblia

¹⁴ Ako, kaiba an pito kong parahatol, an minasugo saimo tanganing magsiyasat kan kamugtakan sa Juda saka sa Jerusalem tanganing aramon kun kinukuyog an Katogonan nin saimong Dios na itinao sa saimong pamamahala.

Esdras 7:14 ပူးပေါင်းရင်းမြစ်များ

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Esdras 5:8

“Mahal na Emperador, kaipuhan na maaraman mo na nagduman kami sa probinsya nin Juda asin nahiling mi an hinihirahay na Templo kan dakulang Dios. Dakulang mga gapo saka kahoy an ginagamit sa pagtugdok asin padagos an maigot saka marahay na pagtrabaho.

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Esdras 6:8

Dangan ipinagboboot ko na gibohon nindo ini para sainda: an gasto ninda sa pagpatugdok kuahon nindo tolos hale sa kayamanan kan hade, an buhis kan probinsya sa ibong kan Salog nin Eufrates tanganing dai maontok an trabaho.

Esdras 7:15

Darahon mo an bulawan saka plata na mawot kong itao asin boot man itao kan sakong mga parahatol sa Dios nin Israel na an Templo yaon sa Jerusalem.

Esdras 7:28

asin naghiras sako kan danay niyang pagkamoot sa atubangan kan emperador, kan mga parahatol kaini, asin sa atubangan kan gabos na mapangyaring opisyal kan emperador. Sa tabang nin Kagurangnan na sakuyang Dios, nagkosog an sakong boot asin natipon ko an mga pamayo kan mga kamaganakan nin Israel tanganing magbalik kaiba ko.”

Esdras 8:25

Tinimbang ko an plata, an bulawan, asin an mga kagamitan na itinao kan emperador, kan saiyang mga parahatol saka mga opisyal, patin kan banwaan nin Israel tanganing gamiton sa Templo, dangan itinao ko ini sa mga padi.

Esther 1:14

An danay niyang hinahagadan nin hatol iyo si Carshena, Setar, Admata, Tarsis, Meres, Marsena, asin si Memucan, an pitong opisyal nin Persia saka Media, na nagkapot kan pinakahalangkaw na katongdan sa kahadean.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Zacarias 6:10

Nagtaram siya, “Kuaha an mga regalong itinao kan mga itinapok na si Heldai, Tobias, asin Jedaias, dangan magduman ka tolos sa harong ni Josias na aking lalaki ni Sofonias. Nagbaralik na sinda hale sa pagkatapokan sa Babilonia.