Esdras 7:12 - Marahay na Bareta Biblia

¹² “Hale ki Emperador Artajerjes, para ki Esdras na padi asin paratukdo kan katogonan kan Dios nin langit.

Esdras 7:12 ပူးပေါင်းရင်းမြစ်များ

1 Mga Hade 20:1

Tinipon ni Hadeng Ben-hadad nin Siria an gabos niyang hukbo, asin sa tabang kan treynta y dos na mga hade, kaiba an saindang mga kabayo saka mga karwahe, nagpasiring siya sa Samaria. Pinalibotan niya an Samaria dangan sinalakay.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 4:17

Ipinadara kan emperador an simbag na ini: “Para ki Rehum na gobernador, ki Simsai na sekretaryo kan probinsya, asin sa saindang mga kairiba na nag-eerok sa Samaria asin sa gabos na nasa Solnopan kan Salog nin Eufrates, an sakong pangongomusta.

Esdras 7:1

Pakalihis nin dakul na taon, kan si Artajerjes iyo an emperador nin Persia, igwa nin sarong lalaki na an ngaran Esdras. Si Esdras aking lalaki ni Seraias, na aki ni Azarias na aki ni Hilkias.

Esdras 7:11

An surat na ini itinao ni Emperador Artajerjes ki Esdras, an padi asin paratukdo na igwa nin dakulang pakasabot kan mga katogonan saka mga pagboot na itinao nin Kagurangnan sa Israel:

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Isaias 10:8

Nagsabi siya, “Gabos hade an sakong mga opisyal!

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”