Esdras 6:8 - Marahay na Bareta Biblia

⁸ Dangan ipinagboboot ko na gibohon nindo ini para sainda: an gasto ninda sa pagpatugdok kuahon nindo tolos hale sa kayamanan kan hade, an buhis kan probinsya sa ibong kan Salog nin Eufrates tanganing dai maontok an trabaho.

Esdras 6:8 ပူးပေါင်းရင်းမြစ်များ

Esdras 4:16

Pinapaisi mi ika huli ta kun mahirahay na an syudad na ini asin matapos na an kudal, dai mo na masasadirihan an probinsya sa ibong kan Salog nin Eufrates.”

Esdras 4:23

Kan an surat na ini ni Artajerjes mabasa ni Rehum, ni Simsai, asin kan mga kairiba kaini, nagduman tolos sinda sa Jerusalem asin pirit na pinaontok an mga Judio sa paghirahay kan syudad.

Esdras 5:5

Alagad binantayan nin Dios an mga kamagurangan na Judio, kaya dai pinaontok kan mga taga Persia an mga nagtrabaho sagkod na dai sinda makapag-osip ki Emperador Dario dangan suratan sinda kaini.

Esdras 6:14

Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Esdras 6:4

An mga lanob gigibohon na igwa nin sarong raya nin kahoy sa lambang tolong taytay nin pinagpatong-patong na gapo. An gabos na gasto babayadan hale sa kayamanan kan hade.

Esdras 6:7

asin dai kamo makilabot sa pagpapatugdok kaiyan. Tugotan nindo an gobernador nin Juda saka an mga kamagurangan kan mga Judio na itugdok an Templo nin Dios sa dating namumugtakan kaiyan.

Esdras 6:9

An ano man na kaipuhan kan mga padi sa Jerusalem—mga torilyong baka, mga kordero, mga karnero para sa tinutong na atang para sa Dios nin langit, o trigo, asin, arak saka lana nin oliba itao nanggad nindo sainda aroaldaw

Esdras 7:14

Ako, kaiba an pito kong parahatol, an minasugo saimo tanganing magsiyasat kan kamugtakan sa Juda saka sa Jerusalem tanganing aramon kun kinukuyog an Katogonan nin saimong Dios na itinao sa saimong pamamahala.

Nehemias 11:23

Igwa nin mga pagboot an hade manongod sa aroaldaw na paglingkod kan mga kamaganakan na ini sa Templo.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Hageo 2:8

Sadiri ko an gabos na plata saka bulawan kan kinaban.