Esdras 6:17 - Marahay na Bareta Biblia

¹⁷ Para sa pagkonsagra kan Templo, nagdolot sinda nin sanggatos na toro, duwang gatos na karnero, apat na gatos na kordero asin doseng kanding bilang dolot para sa kasalan, sarong kanding para sa lambang tribu nin Israel.

Esdras 6:17 ပူးပေါင်းရင်းမြစ်များ

1 Mga Hade 18:31

Nagkua siya nin doseng gapo, sosog sa bilang kan mga tribu kan doseng aking lalaki ni Jacob na tinawan nin Kagurangnan kan ngaran na Israel.

1 Mga Hade 8:62

Dangan si Hadeng Solomon asin an bilog na Israel nagdolot nin mga sakripisyo sa Kagurangnan.

2 Mga Cronica 29:24

Pakatapos, binuno kan mga padi an mga kanding, dangan an dugo kan mga ini inula ninda sa altar bilang atang para sa kasalan kan bilog na Israel, huli ta nagboot an hade na an tinutong na atang saka an dolot para sa kasalan kaipuhan iatang para sa bilog na Israel.

2 Mga Cronica 7:5

Bilang sakripisyo nagdolot siya nin beynte y dos mil na baka saka syento beynte mil na karnero. Sa paaging ini kinonsagra kan hade asin kan banwaan an Templo nin Dios.

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

Levitico 4:28

sa oras na maaraman niya an saiyang kasalan, madara siya nin sarong babaeng kanding na mayo nin kaninan.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Lukas 22:30

makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Kapahayagan 21:12

Dakula asin halangkaw an kudal kaiyan, na may doseng trangkahan na binabantayan nin doseng anghel. Nakasurat sa mga trangkahan an mga ngaran kan doseng tribu nin Israel.