Esdras 6:15 - Marahay na Bareta Biblia

¹⁵ Natapos ninda an Templo kan ikatolong aldaw kan bulan nin Adar, kan ikaanom na taon kan pamamayo ni Emperador Dario.

Esdras 6:15 ပူးပေါင်းရင်းမြစ်များ

1 Mga Hade 8:63

Nagsakripisyo siya nin beynte y dos mil na baka asin syento beynte mil na karnero bilang dolot para sa katoninongan.

Esdras 4:24

Naontok an trabaho sa Templo. Dai ini ipinadagos sagkod sa ikaduwang taon kan pamamayo ni Emperador Dario nin Persia.

Esdras 5:16

Kaya nagdigdi si Sesbazzar dangan ibinugtak an mga pundasyon kan Templo sa Jerusalem; poon kaidto sagkod ngunyan an pagpatrabaho, alagad dai pa iyan natatapos.’

Esdras 9:9

Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Esther 3:13

An mga surat na ini dinara kan mga sinugo sa lambang probinsya kan imperyo. An laog kan mga surat iyo an pagboot na gadanon an gabos na Judio, hoben saka gurang, mga babae sagkod mga aki, sa laog nin sarong aldaw, sa ikatreseng aldaw nin Adar. Daing herak sindang gagadanon asin sasamsaman kan saindang pagsadiri.

Esther 3:7

Kan ikadoseng taon nin paghahade ni Hadeng Jerjes, kan enot na bulan, an bulan nin Nisan, nagboot si Haman na gibohon an ripa na inapod Purim, tanganing maaraman niya kun anong aldaw saka bulan na dapat gibohon an saiyang plano. An luminuwas iyo an ikatreseng aldaw kan ikadoseng bulan, an bulan nin Adar.

Esther 8:12

Gigibohon ninda ini sa bilog na imperyo sa laog nin sarong aldaw, sa ikatreseng aldaw kan ikadoseng bulan, an bulan nin Adar.

Esther 9:1

Nag-abot an ikatreseng aldaw kan bulan nin Adar, an aldaw na itinalaan sa paggibo kan pagboot kan hade, an aldaw na hinahalat kan mga kaiwal kan mga Judio tanganing sakopon ninda an mga ini. Alagad nadaog sinda kan mga Judio.

Esther 9:15

Kan ikakatorseng aldaw kan bulan nin Adar, nagtiripon giraray an mga Judio sa Susa asin nakagadan pa sinda nin tolong gatos na lalaki. Alagad dai ninda sinamsam an mga pagsadiri kan mga kaiwal.

Esther 9:17

Nangyari ini kan ikatreseng aldaw kan bulan nin Adar. Nagpahingalo sinda kan ikakatorseng aldaw asin maogmang nagpyesta sa aldaw na ini.

Esther 9:19

Ini an dahelan kun tadaw ta pinagseselebrar kan mga Judio na nag-eerok sa saradit na mga banwa an ikakatorseng aldaw kan bulan nin Adar bilang sarong aldaw nin kaogmahan asin karakanan, aldaw nin pagtao nin regalo sa lambang saro.

Esther 9:21

Pinagbotan niya sinda na selebraron taon-taon an ikakatorse asin ikakinseng aldaw kan bulan nin Adar bilang pyesta.

Zacarias 1:1

Kan ikawalong bulan kan ikaduwang taon kan pagigin emperador ni Dario sa Persia, nag-abot an tataramon nin Kagurangnan ki Zacarias na aking lalaki ni Berekias asin makoapo ni Iddo.

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 4:9

Nagsabi siya, “Ibinugtak na ni Zerubabel an pundasyon kan Templo, asin tataposon niya iyan. Kun mangyari na iyan, maaaraman kan sakong banwaan na ako an nagsugo saimo sa sainda.