Esdras 6:14 - Marahay na Bareta Biblia

¹⁴ Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Esdras 6:14 ပူးပေါင်းရင်းမြစ်များ

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Esdras 4:24

Naontok an trabaho sa Templo. Dai ini ipinadagos sagkod sa ikaduwang taon kan pamamayo ni Emperador Dario nin Persia.

Esdras 4:3

Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Esdras 5:1

Kan panahon na iyan an mga propeta na si Hageo asin si Zacarias na aking lalaki ni Iddo, nagpropesiya sa mga Judio na nasa Juda saka Jerusalem sa ngaran kan Dios nin Israel na nakakasakop sainda.

Esdras 5:13

Dangan kan enot na taon kan pamamayo ni Ciro sa Babilonia, nagpaluwas siya nin pagboot na itugdok giraray an Templong ini.

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Esdras 6:3

“Kan enot na taon kan pamamayo ni Emperador Ciro, nagpaluwas siya nin sarong pagboot na itugdok giraray an Templo sa Jerusalem, an lugar para sa mga sakripisyo saka mga tinutong na atang. An sukol kan Templo kaipuhan beynte y syete metros an langkaw asin beynte y syete metros an lakbang.

Esdras 6:8

Dangan ipinagboboot ko na gibohon nindo ini para sainda: an gasto ninda sa pagpatugdok kuahon nindo tolos hale sa kayamanan kan hade, an buhis kan probinsya sa ibong kan Salog nin Eufrates tanganing dai maontok an trabaho.

Esdras 7:1

Pakalihis nin dakul na taon, kan si Artajerjes iyo an emperador nin Persia, igwa nin sarong lalaki na an ngaran Esdras. Si Esdras aking lalaki ni Seraias, na aki ni Azarias na aki ni Hilkias.

Esdras 9:9

Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Nehemias 6:15

Pakatapos nin singkwenta y dos na aldaw nin pagtrabaho, natapos an bilog na kudal kan ikabeynte y singkong aldaw kan bulan nin Elul.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:8

Kaya magtukad kamo sa mga bulod, magkua nin kahoy asin hirahayon nindo an Templo; dangan mawiwili ako asin sasambahon ako siring sa dapat mangyari.

Zacarias 1:1

Kan ikawalong bulan kan ikaduwang taon kan pagigin emperador ni Dario sa Persia, nag-abot an tataramon nin Kagurangnan ki Zacarias na aking lalaki ni Berekias asin makoapo ni Iddo.

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 4:9

Nagsabi siya, “Ibinugtak na ni Zerubabel an pundasyon kan Templo, asin tataposon niya iyan. Kun mangyari na iyan, maaaraman kan sakong banwaan na ako an nagsugo saimo sa sainda.

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.