Esdras 6:12 - Marahay na Bareta Biblia

¹² An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Esdras 6:12 ပူးပေါင်းရင်းမြစ်များ

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

Esdras 6:13

Dangan siring sa itinaram ni Emperador Dario, an gabos na ipinagboot kan emperador kinuyog ni Tatenai na gobernador kan probinsya sa ibong kan Salog nin Eufrates, ni Setar-bozenai, asin kan mga kairiba ninda.

Esdras 6:14

Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Esdras 7:15

Darahon mo an bulawan saka plata na mawot kong itao asin boot man itao kan sakong mga parahatol sa Dios nin Israel na an Templo yaon sa Jerusalem.

Esdras 7:17

“An kwartang ini gamiton mo sana para sa pagbakal nin mga torong baka, mga karnero, mga kordero, trigo, saka arak, dangan idolot mo sa altar kan Templo sa Jerusalem.

Esdras 7:26

An siisay man na maglapas kan Katogonan nin saimong Dios asin kan mga katogonan kan imperyo, papadusahan tolos sa paagi nin kagadanan o pagtapok o pag-embargo kan pagrogaring o pagkabilanggo.”

Esther 8:14

Sa pagboot kan hade, nagluwas tolos an mga sugo, na nakalunad sa maririkas na kabayo kan hade. An dekreto ipinahayag man sa Susa, an pangenot na syudad.

Salmo 5:10

Padusahan mo sinda, O Dios, huli kan saindang kasalan. Huli kan saindang mga plano, logod sinda mapukan. Pahalea sinda sa saimong atubang, huli ta sinda nagkasala saka nagtumang saimo.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 60:12

Alagad rurumpagon an mga nasyon na dai naglilingkod saimo.

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Mga Gibo 9:5

Naghapot si Saulo, “Siisay ka, Kagurangnan?” Nagsimbag an tingog, “Ako si Jesus na pinapasakitan mo.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 16:2

Magduman kamo sa lugar na pagsasambahan asin bunoon nindo duman an saro kan saindong mga karnero o baka para sa Paskwa, sa kaomawan nin Kagurangnan na saindong Dios.